ದೇಶದ ಖಾಸಗಿ ಕ್ಷೇತ್ರದ ಪ್ರಮುಖ ಬ್ಯಾಂಕ್ ಎಚ್ಡಿಎಫ್ಸಿ, 2009 ಮಾರ್ಚ್ 31ಕ್ಕೆ ಅಂತ್ಯಗೊಂಡಂತೆ ನಾಲ್ಕನೇ ತ್ರೈಮಾಸಿಕ ಅವಧಿಯಲ್ಲಿ 630.88 ಕೋಟಿ ರೂಪಾಯಿ ನಿವ್ವಳ ಲಾಭಗಳಿಸಿದೆ ಎಂದು ಬ್ಯಾಂಕ್ ಮೂಲಗಳು ತಿಳಿಸಿವೆ.
ಕಳೆದ ವರ್ಷದ ಆರ್ಥಿಕ ಸಾಲಿನಲ್ಲಿ ಬ್ಯಾಂಕ್ 471.11 ಕೋಟಿ ರೂಪಾಯಿಗಳ ನಿವ್ವಳ ಲಾಭಗಳಿಸಿತ್ತು. 2007-08ರ ಸಾಲಿನಲ್ಲಿ ಒಟ್ಟು 1590.18 ಕೋಟಿ ರೂಪಾಯಿ ನಿವ್ವಳ ಲಾಭಗಳಿಸಿತ್ತು.
ಜಾಗತಿಕ ಆರ್ಥಿಕ ಕುಸಿತದ ಸಂದರ್ಭದಲ್ಲಿ ಕೂಡಾ ಎಚ್ಡಿಎಫ್ಸಿ ಬ್ಯಾಂಕ್, ಚಿಲ್ಲರೆ ಮತ್ತು ಸಗಟು ವಹಿವಾಟಿನಲ್ಲಿ ಉತ್ತಮ ಕಾರ್ಯನಿರ್ವಹಿಸಿ ಲಾಭಾಂಶದಲ್ಲಿ ಹೆಚ್ಚಳವಾಗಿದೆ ಎಂದು ಬ್ಯಾಂಕ್ನ ಕಾರ್ಯಕಾರಿ ನಿರ್ದೇಶಕ ಪರೇಶ್ ಸುಖಾಂತ್ಕರ್ ಹೇಳಿದ್ದಾರೆ.
ಬ್ಯಾಂಕ್ನ ನಾಲ್ಕನೇ ತ್ರೈಮಾಸಿಕ ಅವಧಿಯಲ್ಲಿ ನಿವ್ವಳ ಬಡ್ಡಿ ಆದಾಯ ದರ ಶೇ.4.2 ರಷ್ಟು ಏರಿಕೆಯಾಗಿದೆ ಎಂದು ಎಚ್ಡಿಎಫ್ಸಿ ಬ್ಯಾಂಕ್ ಮೂಲಗಳು ತಿಳಿಸಿವೆ.
ಬ್ಯಾಂಕ್ನ ಶುಲ್ಕ ಮತ್ತು ಕಮಿಶನ್ ಆದಾಯದಲ್ಲಿ ಶೇ.45.8 ರಷ್ಟು ಹೆಚ್ಚಳವಾಗಿದ್ದು,490.4 ಕೋಟಿ ರೂಪಾಯಿಗಳಿಂದ 714.8 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದ್ದು, ಫಾರೆಕ್ಸ್ ಆದಾಯ, ಹೂಡಿಕೆ ಮಾರಾಟ ಮತ್ತಿತರ ಆದಾಯಗಳಲ್ಲಿ 60.4 ಕೋಟಿ ರೂಪಾಯಿಗಳಿಂದ 152.80 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದೆ ಎಂದು ಕಾರ್ಯಕಾರಿ ನಿರ್ದೇಶಕ ಪರೇಶ್ ಸುಖಾಂತ್ಕರ್ ತಿಳಿಸಿದ್ದಾರೆ. |