ಶೇರುಹೂಡಿಕೆದಾರರ ಗೊಂದಲವನ್ನು ಸರಿಪಡಿಸಲು ಶೇರುಪೇಟೆಯಲ್ಲಿ ನೊಂದಾಯಿತ ಕಂಪೆನಿಗಳು ತಮ್ಮ ಶೇರುದಾರರಿಗೆ ಶೇರಿನ ಮುಖಬೆಲೆಯ ದರವನ್ನು ಆಧರಿಸಿ ಡೆವಿಡೆಂಡ್ ಘೋಷಿಸಬೇಕು ಎಂದು ಶೇರುಪೇಟೆ ನಿಯಂತ್ರಕ ಸಂಸ್ಥೆ ಸೆಬಿ ಆದೇಶಿಸಿದೆ. ಶೇರುಪೇಟೆ ನೊಂದಾಯಿತ ಕಂಪೆನಿಗಳು ಶೇರುಪೇಟೆಯ ಒಪ್ಪಂದದ ಅನ್ವಯ ಪ್ರತಿ ಶೇರಿನ ಮುಖಬೆಲೆಯ ದರದ ಮೇಲೆ ಡೆವಿಡೆಂಡ್ ಘೋಷಿಸುವುದು ಕಡ್ಡಾಯವಾಗಿದೆ. ಎಲ್ಲಾ ಕಂಪೆನಿಗಳ ಶೇರುದಾರರಿಗೆ ಸಮಾನಾವಾದ ಡೆವಿಡೆಂಡ್ ದೊರೆಯಲು ನೀತಿಯನ್ನು ಜಾರಿಗೆ ತರಲಾಗಿದೆ ಎಂದು ಸೆಬಿ ಹೇಳಿಕೆ ನೀಡಿದೆ. ಪ್ರಸ್ತುತ ಕಂಪೆನಿಗಳು ಶೇರಿನ ಮುಖಬೆಲೆಯ ಮೇಲೆ ಶೇಕಡಾವಾರು ಡೆವಿಡೆಂಡ್ ಅಥವಾ ಪ್ರತಿ ಶೇರಿಗೆ ರೂಪಾಯಿಯಿಂತೆ ಕಂಪೆನಿಗಳು ಡೆವಿಡೆಂಡ್ ಘೋಷಿಸುತ್ತಿದ್ದವು. ಸೆಬಿಯ ಆದೇಶದಿಂದಾಗಿ ಶೇರುದಾರರಿಗೆ ಡೆವಿಡೆಂಡ್ ಶೇಕಡಾವಾರು ನೀಡಲಾಗುವುದೋ ಅಥವಾ ಮಾರುಕಟ್ಟೆಯ ದರದ ಮೇಲೆ ನಿಗದಿಪಡಿಸಲಾಗುವುದೋ ಎನ್ನುವ ಗೊಂದಲ ದೂರವಾಗಿದೆ ಎಂದು ಎಸ್‌ಎಂಸಿ ಕ್ಯಾಪಿಟಲ್‌ ಮುಖ್ಯಸ್ಥ ಜಗನ್ನಾಥನ್ ತುಗಂಟ್ಲಾ ಹೇಳಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
