ಆರ್ಥಿಕ ಕುಸಿತ ಸದ್ಯಕ್ಕೆ ನಿಲ್ಲಲಿದ್ದು, ಇನ್ನು ಮುಂದೆ ಬೆಳವಣಿಗೆಯ ಹಾದಿ ಶುರುವಾಗಲಿದೆ ಎಂದು ಇಂಗ್ಲೆಂಡ್ ಮೂಲದ ಹಣಕಾಸು ಸೇವಾ ಸಂಸ್ಥೆ ಬಾರ್‌ಕ್ಲೇಸ್ ಭವಿಷ್ಯ ನುಡಿದಿದೆ.
ಬಾರ್‌ಕ್ಲೇಸ್ ಅಂದಾಜಿನ ಪ್ರಕಾರ, ವಿಶ್ವದ ಅರ್ಥಿಕ ಬೆಳವಣಿಗೆ ನಾಂದಿ ಹಾಡುವ ರಾಷ್ಟ್ರಗಳು ಭಾರತ ಹಾಗೂ ಚೀನಾ. ಏಷ್ಯಾದ ರಾಷ್ಟ್ರಗಳ ಪೈಕಿ ಈಗಾಗಲೇ ಭಾರತ ಹಾಗೂ ಚೀನಾ ತಮ್ಮ ಕುಸಿತದ ಹಾದಿಯನ್ನು ಸರಿಪಡಿಸಿಕೊಂಡು ಬೆಳವಣಿಗೆಯತ್ತ ದೃಷ್ಟಿ ನೆಟ್ಟಿವೆ. ಇದನ್ನೇ ಏಷ್ಯಾದ ಇತರ ರಾಷ್ಟ್ರಗಳಾದ ಥೈವಾನ್, ಇಂಡೋನೇಷ್ಯಾ, ಮಲೇಶಿಯಾ, ಫಿಲಿಪೈನ್ಸ್, ಸಿಂಗಾಪುರ, ದಕ್ಷಿಣ ಕೊರಿಯಾ, ಥಾಯ್‌ಲ್ಯಾಂಡ್ ಹಾಂಗ್‌ಕಾಂಗ್‌ಗಳು ಅನುಸರಿಸುತ್ತಿವೆ ಎಂದಿದೆ.
ವಿಶ್ವದ ಇತರ ರಾಷ್ಟ್ರಗಳಿಗಿಂತ ತುಸು ಬೇಗವೇ ಹಣಕಾಸು ಕುಸಿತದಿಂದ ಚೇತರಿಸಿಕೊಂಡು ಬೆಳವಣಿಗೆಯತ್ತ ಹೆಜ್ಜೆ ಹಾಕುವುದರಲ್ಲಿ ಏಷ್ಯಾದ ರಾಷ್ಟ್ರಗಳೇ ಮುಂದಿವೆ ಎಂದಿರುವ ಬಾರ್‌ಕ್ಲೇಸ್, ಈ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಭಾರತ ಹಾಗೂ ಚೀನಾದಲ್ಲಿ ಆರ್ಥಿಕ ಬೆಳವಣಿಗೆಯಲ್ಲಿ ಗಮನಾರ್ಹ ಚೇತರಿಕೆ ಕಂಡುಬರಲಿದೆ ಎಂದು ತಿಳಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ