ಡಾಲರ್ ಎದುರು ರೂಪಾಯಿ ಮೌಲ್ಯ 15 ಪೈಸೆಯಷ್ಟು ಕುಸಿತ ಕಂಡಿದೆ. ಸೋಮವಾರ 43 ಪೈಸೆಯಷ್ಟು ಕುಸಿತ ಕಂಡಿದ್ದ ರೂಪಾಯಿ ಮೌಲ್ಯ ಮತ್ತೆ ಮಂಗಳವಾರ 15 ಪೈಸೆಯಷ್ಟು ಕುಸಿತವನ್ನೇ ಕಾಣುವ ಮೂಲಕ ಡಾಲರ್ಗೆ 50.38 ರೂಪಾಯಿ ದಾಖಲಾಗಿದೆ.
ತಿಂಗಳ ಕೊನೆಯಲ್ಲಿ ಹೆಚ್ಚಿದ ಡಾಲರ್ ಬೇಡಿಕೆ ಹಾಗೂ ಬಂಡವಾಳದ ಹೊರಹರಿವಿನಿಂದಾಗಿ ಈ ಕುಸಿತ ದಾಖಲಾಗಿದೆ ಎಂದು ಫಾರೆಕ್ಸ್ ತಿಳಿಸಿದೆ.
ಡೀಲರ್ಗಳು ಹೇಳುವ ಪ್ರಕಾರ, ಹೊಸ ಬಂಡವಾಳದ ಹೊರಹರಿವು ಹಾಗೂ ಆಮದುದಾರರಲ್ಲಿ ಹೆಚ್ಚಿದ ಡಾಲರ್ ಬೇಡಿಕೆಯಿಂದಾಗಿ ಭಾರತೀಯ ರೂಪಾಯಿ ಮೇಲೆ ಹೆಚ್ಚಿನ ಒತ್ತಡ ಬಿದ್ದಿದೆ. ಇದೇ ಸಂದರ್ಭ ಹಾಂಗ್ಕಾಂಗ್ನ ಹ್ಯಾಂಗ್ ಸೆಂಗ್ ಸೂಚ್ಯಂಕ ಶೇ.0.19ರಷ್ಟು ಕುಸಿದಿದ್ದು, ಜಪಾನ್ನ ನಿಕ್ಕಿ ಶೇ.0.06ರಷ್ಟು ಬೆಳಗ್ಗಿನ ಮಾರುಕಟ್ಟೆಯಲ್ಲಿ ಕುಸಿತ ದಾಖಲಿಸಿತ್ತು. |