ವಿದ್ಯಾರ್ಥಿಗಳಿಗೆ ಇಲ್ಲೊಂದು ಸಂತಸದ ಸುದ್ದಿಯಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಇದೀಗ ಶಿಕ್ಷಣ ಸಾಲದ ಬಡ್ಡಿದರವನ್ನು 200 ಬೇಸಿಸ್ ಪಾಯಿಟ್ಗಳಷ್ಟು ಕಡಿಮೆ ಮಾಡಿದೆ. ಈ ಕಡಿತ ಲಭ್ಯವಿರುವುದು ಇದೇ ಮೇ ತಿಂಗಳಿಂದ ಸೆಪ್ಟೆಂಬರ್ ತಿಂಗಳೊಳಗೆ ಶಿಕ್ಷಣ ಸಾಲ ಪಡೆದುಕೊಳ್ಳುವವರಿಗೆ ಮಾತ್ರ ಇದು ಅನ್ವಯಿಸಲಿದೆ.ನಾಲ್ಕು ಲಕ್ಷ ರೂಪಾಯಿಗಳವರೆಗೆ, ನಾಲ್ಕು ಲಕ್ಷದಿಂದ 7.5 ಲಕ್ಷ ರೂಪಾಯಿಗಳವರೆಗೆ ಹಾಗೂ 7.5 ಲಕ್ಷ ರೂಪಾಯಿಳಿಗಿಂತ ಹೆಚ್ಚು ಸಾಲ ಪಡೆದ ಮೂರು ವರ್ಗಗಳಲ್ಲಿ ಈ ಕಡಿತಗೊಂಡ ಬಡ್ಡಿ ಅನ್ವಯವಾಗುತ್ತದೆ. ಕಡಿತಗೊಂಡ ಬಡ್ಡಿದರದ ಪ್ರಕಾರ, ಈವರೆಗೆ ಶೇ.11.75, ಶೇ.13.25 ಹಾಗೂ ಶೇ.12.25ರಷ್ಟಿದ್ದ ಬಡ್ಡಿದರಗಳು ಇನ್ನು ಮುಂದೆ ಶೇ.11.5, ಶೇ.11.25 ಹಾಗೂ ಶೇ.11ರ ಬಡ್ಡಿದರಕ್ಕೆ ಇಳಿಕೆಯಾಗಿದೆ. ಹೆಣ್ಣು ಮಕ್ಕಳಿಗೆ ಈ ಶಿಕ್ಷಣ ಸಾಲದ ಬಡ್ಡಿದರದಲ್ಲಿ ಮತ್ತೆ ಶೇ.0.5ರಷ್ಟು ಕಡಿತದಲ್ಲಿ ಲಭ್ಯವಾಗುತ್ತದೆ.7.5 ಲಕ್ಷ ರೂಪಾಯಿಗಳ ಶಿಕ್ಷಣ ಸಾಲಕ್ಕೆ ಏಳುವರ್ಷಗಳ ಅವಧಿ ಲಭ್ಯವಿದ್ದು, ಇಎಂಐ ಕೂಡಾ ಈ ಮೊದಲಿದ್ದ 13,740 ರೂಪಾಯಿಗಳಿಂದ 12,940 ರೂಪಾಯಿಗಳಿಗೆ ಇಳಿದಿದೆ.ಇದೀಗ ಭಾರತದಲ್ಲಿ ಶಿಕ್ಷಣ ಪಡೆಯುವುದಾದರೆ ಶಿಕ್ಷಣ ಸಾಲವನ್ನು 10 ಲಕ್ಷ ರೂಪಾಯಿಗಳವರೆಗೆ ಬ್ಯಾಂಕ್ ವಿಸ್ತರಿಸಿದ್ದು, ವಿದೇಶದಲ್ಲಿ ಶಿಕ್ಷಣ ಪಡೆಯುತ್ತಿದ್ದರೆ, 20 ಲಕ್ಷ ರೂಪಾಯಿಗಳವರೆಗೂ ಸಾಲ ಲಭ್ಯವಾಗುತ್ತದೆ. ಅಲ್ಲದೆ ಸಾಲದ ಪಾವತಿಗೆ ಆಧಾರವಾಗಿಡುವ ವಸ್ತುರಹಿತ ಸಾಲವನ್ನೂ ಬ್ಯಾಂಕ್ ನೀಡುತ್ತಿದೆ. ಈ ರೀತಿಯ ಸಾಲ ಸೌಲಭ್ಯ ಕೇವಲ ನಾಲ್ಕು ಲಕ್ಷ ರೂಪಾಯಿಗಳಿಂತ ಕಡಿಮೆ ಸಾಲ ಪಡೆದವರಿಗೆ ಮಾತ್ರ ಲಭ್ಯವಾಗುತ್ತದೆ.ಎಸ್ಬಿಐ 2008-09ರಲ್ಲಿ ನೀಡಿದ ಸಾಲ 2,653 ಕೋಟಿ ರೂಪಯಿಗಳಿಂದ 7,066 ಕೋಟಿ ರೂಪಾಯಿಗಳಿಗೆ ಏರಿದೆ. ಈವರೆಗೆ ಭಾರತ ಹಾಗೂ ವಿದೇಶಗಳಲ್ಲಿ ವ್ಯಾಸಂಗ ಮಾಡುತ್ತಿರುವ 3,56,000 ಭಾರತೀಯ ವಿದ್ಯಾರ್ಥಿಗಳಿಗೆ ಎಸ್ಬಿಐ ಸಾಲ ನೀಡಿದೆ. |