ಅನಿಲ್ ಅಗರ್ವಾಲ್ ಒಡೆತನದ ಸ್ಟೆರ್ಲೈಟ್ ಇಂಡಸ್ಟ್ರೀಸ್ ತನ್ನ ನಾಲ್ಕನೇ ತ್ರೈಮಾಸಿಕ ವರದಿ ಪ್ರಕಟಿಸಿದ್ದು, ಲಾಭದಲ್ಲಿ ಶೇ.55ರಷ್ಟು ಇಳಿಕೆ ಕಂಡಿದೆ.
ಸ್ಟೆರ್ಲೈಟ್ ಇಂಡಸ್ಟ್ರೀಸ್ 598 ಕೋಟಿ ರೂಪಾಯಿಗಳ ನಿವ್ವಳ ಲಾಭ ಗಳಿಸಿದ್ದು, ಇದು ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ.55ರಷ್ಟು ಕಡಿಮೆ. ಕಳೆದ ವರ್ಷ ಇದೇ ಸಮಯಕ್ಕೆ ಸಂಸ್ಥೆ 1,318 ಕೋಟಿ ರೂಪಾಯಿಗಳ ಲಾಭ ಗಳಿಸಿತ್ತು.
ಮಾರಾಟದಲ್ಲಿ ಶೇ.36ರಷ್ಟು ಕುಸಿತ ಕಂಡಿದ್ದು, ಕಳೆದ ವರ್ಷದ 6,766 ಕೋಟಿ ರೂಪಾಯಿಗಳು ಈ ವರ್ಷಕ್ಕೆ 4,336ಕ್ಕೆ ಇಳಿದಿದೆ. ಉತ್ಪಾದನಾ ವಲಯದಲ್ಲೂ ಇಳಿಕೆಯಾಗಿದೆ. ಅಲ್ಯುಮಿನಾ ಉತ್ಪಾದನೆ ಸೇ.29ರಷ್ಟು ಕುಸಿದಿದ್ದು 42,000 ಕನ್ ಉತ್ಪಾದಿಸಲಾಗಿದೆ. ಮಾರ್ಚ್ನಲ್ಲಿ ಇದು ಶೇ.7.6ರಷ್ಟು ಅಂದರೆ 85,000 ಟನ್ಗಳಿಗೆ ಕುಸಿದಿದೆ. ಕಾಪರ್ ಕ್ಯಾಥೋಡ್ ಉತ್ಪಾದನೆಯೂ 88,000 ಟನ್ಗಳಿಗೆ ಕುಸಿದಿದೆ.
ಸಂಸ್ಥೆಯ ಒಟ್ಟು ಆದಾಯ ಶೇ.7ರಷ್ಟು ಕುಸಿತ ಕಂಡಿದೆ. ಳೆದ ಬಾರಿ 13,274 ಕೋಟಿ ರೂಪಾಯಿಗಳಿದ್ದ ಆದಾಯ 12,376 ಕೋಟಿ ರೂಪಾಯಿಗಳಿಗೆ ಇಳಿಕೆಯಾಗಿದೆ. |