ಅಹಾರಧಾನ್ಯಗಳು, ತರಕಾರಿ ,ರಬ್ಬರ್ ಮತ್ತು ಖಾದ್ಯ ತೈಲ ಸೇರಿದಂತೆ ಇನ್ನಿತರ ವಸ್ತುಗಳು ದಿನನಿತ್ಯ ದರ ಏರಿಕೆ ಕಾಣುತ್ತಿರುವುದರಿಂದ ಹಣದುಬ್ಬರ ದರ ಏಪ್ರಿಲ್ 18ಕ್ಕೆ ವಾರಂತ್ಯಗೊಂಡಂತೆ ಶೇ.0.26ರಿಂದ ಶೇ.0.57ಕ್ಕೆ ಏರಿಕೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಾರ್ಷಿಕ ಹಣದುಬ್ಬರವನ್ನು ಪರಿಶೀಲಿಸಿದಲ್ಲಿ ಏಪ್ರಿಲ್ 18 ಕ್ಕೆ ವಾರಂತ್ಯಗೊಂಡಂತೆ ಶೇ.0.57 ರಷ್ಟು ಏರಿಕೆ ಕಂಡಿದೆ ಎಂದು ಸರಕಾರ ಬಿಡುಗಡೆಗೊಳಿಸಿದ ವರದಿಯಲ್ಲಿ ಪ್ರಕಟಿಸಿದೆ.ಕಳೆದ ವಾರ ಹಣದುಬ್ಬರ ದರ ದಾಖಲೆಯ ಶೇ.0.26ಕ್ಕೆ ಇಳಿಕೆ ಕಂಡಿತ್ತು.
ಉತ್ಪಾದಕ ವಸ್ತುಗಳು ಹಾಗೂ ಅಗತ್ಯ ದಿನಸಿ ವಸ್ತುಗಳ ದರಗಳು ಕ್ರಮವಾಗಿ ಶೇ.0.3 ಹಾಗೂ ಶೇ.1.7 ರಷ್ಟು ಏರಿಕೆ ಕಂಡಿವೆ.ಇಂಧನ, ವಿದ್ಯುತ್ ಮತ್ತು ಲೂಬ್ರಿಕಂಟ್ಸ್ ದರಗಳು ಶೇ.0.1ರಷ್ಟು ಏರಿಕೆ ಕಂಡಿವೆ ಎಂದು ವಿತ್ತ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.
ಹಣದುಬ್ಬರ ದರ ಕಳೆದ ಎಂಟು ವಾರಗಳಲ್ಲಿ ಇಳಿಕೆಯತ್ತ ಸಾಗಿ ಮಾರ್ಚ್ 14ಕ್ಕೆ ವಾರಂತ್ಯಗೊಂಡಂತೆ ಶೇ.0.27ಕ್ಕೆ ತಲುಪಿತ್ತು. ಆದರೆ ಮಾರ್ಚ್ 21ಕ್ಕೆ ವಾರಂತ್ಯಗೊಂಡಂತೆ ಹಣದುಬ್ಬರ ದರ ಶೇ.0.31 ಕ್ಕೆ ಏರಿಕೆ ಕಂಡಿತ್ತು.
ನಂತರ ಸತತ ಎರಡು ವಾರಗಳ ಅವಧಿಗೆ ಇಳಿಕೆ ಕಂಡ ಹಣದುಬ್ಬರ ದರ ಏಪ್ರಿಲ್ 18ಕ್ಕೆ ವಾರಂತ್ಯಗೊಂಡಂತೆ ಶೇ.0.26ರಿಂದ ಶೇ.0.57ಕ್ಕೆ ಏರಿಕೆ ಕಂಡಿದೆ ಎಂದು ಅಧಿಕಾರಿ ಮೂಲಗಳು ತಿಳಿಸಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ