ದೇಶದ ನಂಬರ್ ಒನ್ ಸ್ಥಾನದಲ್ಲಿರುವ ಸಾರ್ವಜನಿಕ ಕ್ಷೇತ್ರದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮೇ 4 ರಿಂದ ಜಾರಿಯಾಗುವಂತೆ ಠೇವಣಿ ಬಡ್ಡಿದರದಲ್ಲಿ ಶೇ.0.25 ರಷ್ಟು ಕಡಿತಗೊಳಿಸಿದೆ ಎಂದು ಬ್ಯಾಂಕ್ ಮೂಲಗಳು ತಿಳಿಸಿವೆ.
ಒಂದು ವರ್ಷದಿಂದ ಎರಡು ವರ್ಷದೊಳಗಿನ ಠೇವಣಿಗಳಿಗೆ ಮೊದಲಿದ್ದ ಶೇ.7.75ರ ಬಡ್ಡಿದರವನ್ನು ಶೇ.7.5ಕ್ಕೆ ಇಳಿಕೆ ಮಾಡಲಾಗಿದೆ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಅದರಂತೆ, ಎರಡು ವರ್ಷಗಳಿಂದ 1 ಸಾವಿರ ದಿನಗಳವರೆಗಿನ ಠೇವಣಿಗಳಿಗೆ ಶೇ.8 ರಷ್ಟಿದ್ದ ಬಡ್ಡಿ ದರವನ್ನು ಶೇ.7.75ಕ್ಕೆ ಇಳಿಕೆ ಮಾಡಲಾಗಿದ್ದು, 1 ಸಾವಿರ ದಿನಗಳಿಗಿಂತ ಹೆಚ್ಚಿನ ಠೇವಣಿಗಳಿಗೆ ಶೇ.8.25 ರಷ್ಟಿದ್ದ ಬಡ್ಡಿದರವನ್ನು ಶೇ.8ಕ್ಕೆ ಇಳಿಕೆ ಮಾಡಲಾಗಿದೆ ಎಂದು ಬ್ಯಾಂಕ್ ಮೂಲಗಳು ತಿಳಿಸಿವೆ.
1 ಸಾವಿರ ದಿನದೊಳಗಿನಿಂದ ಮೂರು ವರ್ಷಗಳಿಗಿಂತ ಕಡಿಮೆ ಮತ್ತು 3-5 ವರ್ಷದವರೆಗಿನ ಠೇವಣಿಗಳಿಗಿದ್ದ ಬಡ್ಡಿದರವನ್ನು ಶೇ.8 ರಿಂದ ಶೇ.7.75ಕ್ಕೆ ಇಳಿಕೆ ಮಾಡಿದೆ.
5-8 ವರ್ಷದೊಳಗಿನ ಠೇವಣಿಗಳಿಗೆ ಮೊದಲಿದ್ದ ಶೇ.8.25 ಬಡ್ಡಿದರವನ್ನು ಶೇ.8ಕ್ಕೆ ಮತ್ತು 8-10 ವರ್ಷದೊಳಗಿನ ಹಾಗೂ ಶೇ.8.5 ರಷ್ಟಿದ್ದ ಬಡ್ಡಿದರವನ್ನು ಶೇ.8.25ಕ್ಕೆ ಇಳಿಕೆ ಮಾಡಿದೆ ಎಂದು ಎಸ್‌ಬಿಐ ಬ್ಯಾಂಕ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ