ದೇಶದ ಖ್ಯಾತ ಉದ್ಯಮಿ ವಿಜಯ್ ಮಲ್ಯ ಸಂಚಾಲಿತ ಕಿಂಗ್‌ಫಿಶರ್ ಏರ್‌ಲೈನ್ಸ್ 2 ಸಾವಿರ ಕೋಟಿ ಬಂಡವಾಳ ಸಾಲಕ್ಕಾಗಿ ಸ್ಟೇಟ್‌ ಬ್ಯಾಂಕ್ ಆಫ್ ಇಂಡಿಯಾಗೆ ಮನವಿ ಸಲ್ಲಿಸಿದ್ದು,ಮುಖ್ಯವಾಗಿ ಇಂಧನ ಬಾಕಿಯನ್ನು ಪಾವತಿಸಲು ಸಾಲವನ್ನು ಪಡೆಯುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಕಿಂಗ್‌ಫಿಶರ್ ಏರ್‌ಲೈನ್ಸ್ ಸಂಸ್ಥೆ ತೈಲ ಸಂಸ್ಥೆಗಳಾದ ಐಒಸಿ ,ಬಿಪಿಸಿಎಲ್ ಮತ್ತು ಎಚ್‌ಪಿಸಿಎಲ್‌‌ಗೆ ಸುಮಾರು 785 ಕೋಟಿ ರೂಪಾಯಿ ಪಾವತಿಸುವ ಅಗತ್ಯವಿರುವುದರಿಂದ ಎಸ್‌ಬಿಐನಿಂದ ಸಾಲ ಪಡೆದು ಬಾಕಿಯನ್ನು ಪೂರ್ತಿಗೊಳಿಸುವ ಹುನ್ನಾರದಲ್ಲಿದೆ ಎಂದು ವೈಮಾನಿಕ ಸಂಸ್ಥೆಗಳ ಮೂಲಗಳು ತಿಳಿಸಿವೆ.
ವಿಮಾನಯಾನ ಸಂಸ್ಥೆ ಸ್ಟೇಟ್‌ ಬ್ಯಾಂಕ್ ಆಫ್ ಇಂಡಿಯಾದಿಂದ 2000 ಕೋಟಿ ರೂಪಾಯಿಗಳ ಸಾಲ ಪಡೆದು ಅಗತ್ಯವಾದ ಕೊರತೆಗಳನ್ನು ಪೂರೈಸಿಕೊಳ್ಳಲು ನಿರ್ಧರಿಸಿದೆ ಎನ್ನಲಾಗಿದೆ.ಈ ಕುರಿತು ಕಿಂಗ್‌ಫಿಶರ್ ವಕ್ತಾರರನ್ನು ಸಂಪರ್ಕಿಸಿದಾಗ ವ್ಯವಹಾರಿಕ ಸಂಗತಿಗಳನ್ನು ಬಹಿರಂಗಪಡಿಸಲಾಗುವುದಿಲ್ಲ ಎಂದು ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ