ಬಿರ್ಲಾ ಸನ್ಲೈಫ್ ಅಸೆಟ್ ಮ್ಯಾನೇಜ್ಮೆಂಟ್ ಕಂಪೆನಿಗೆ ಏಷಿಯನ್ ಇನ್ವೆಸ್ಟರ್ 2009 ಇನ್ವೆಸ್ಟ್ಮೆಂಟ್ ಪರ್ಫಾರ್ಮನ್ಸ್ ಅವಾರ್ಡ್ಸ್ನ ' ಇಂಡಿಯಾ ಆನ್ಶೋರ್ ಫಂಡ್ ಹೌಸ್ " ಪ್ರಶಸ್ತಿ ದೊರೆತಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.
ಏಷಿಯನ್ ಇನ್ವೆಸ್ಟರ್ ವಿಭಾಗದಲ್ಲಿ ಭಾರತದ ಕಂಪೆನಿಗೆ ದೊರೆತ ಪ್ರಥಮ ಗೌರವವಾಗಿದೆ ಎಂದು ಕಂಪೆನಿ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಬಿರ್ಲಾ ಸನ್ಲೈಫ್ ಎಎಂಸಿಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾದ ಅನಿಲ್ ಕುಮಾರ್ ಮಾತನಾಡಿ, ಪ್ರಶಸ್ತಿಯ ಗೆಲುವಿನಿಂದಾಗಿ ಕಂಪೆನಿಗೆ ವಿಶೇಷ ಗೌರವ ದೊರೆತಂತಾಗಿದೆ. ಕಂಪೆನಿಯ ಸಿಬ್ಬಂದಿಗಳ ಶ್ರಮಕ್ಕೆ ತಕ್ಕ ಪ್ರತಿಫಲ ಲಭಿಸಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಿರ್ಲಾ ಸನ್ಲೈಫ್ ನಂಬಿಕಸ್ತ ಕಂಪೆನಿಗಳ ಸಾಲಿಗೆ ಸೇರ್ಪಡೆಯಾಗಿದೆ ಎಂದು ತಿಳಿಸಿದ್ದಾರೆ.
ಬಿರ್ಲಾ ಸನ್ಲೈಫ್ ಕಂಪೆನಿ 2008-09ರ ಆರ್ಥಿಕ ಸಾಲಿನಲ್ಲಿ 47,096 ಕೋಟಿ ರೂಪಾಯಿ ವಹಿವಾಟು ನಡೆಸಿದ್ದು, ಪ್ರತಿ ವರ್ಷ ಶೇ.30 ರಂತೆ ಏರಿಕೆ ಕಾಣುತ್ತಿದೆ. ಕಳೆದ ವರ್ಷ ಮಾತ್ರ ಜಾಗತಿಕ ಆರ್ಥಿಕ ಕುಸಿತದಿಂದಾಗಿ ಶೇ.7 ರಷ್ಟು ಇಳಿಕೆ ಕಂಡಿದೆ ಎಂದು ಹೇಳಿದ್ದಾರೆ. |