ಜಾಗತಿಕ ಆರ್ಥಿಕ ಕುಸಿತ ವರ್ಷಾಂತ್ಯಕ್ಕೆ ಚೇತರಿಕೆಯಾಗಲಿದೆ ಎನ್ನುವ ಹೂಡಿಕೆದಾರರ ನಿರೀಕ್ಷೆಯಲ್ಲಿ ಕಚ್ಚಾ ತೈಲ ದರ ಆರು ತಿಂಗಳಷ್ಟು ಏರಿಕೆ ಕಂಡು ಪ್ರತಿ ಬ್ಯಾರೆಲ್‌ಗೆ 57 ಡಾಲರ್‌ಗಳಿಗೆ ಏರಿಕೆಯಾಗಿದೆ.
ಸಿಂಗಾಪೂರ್‌ನಲ್ಲಿ ಜೂನ್ ತಿಂಗಳ ಕಚ್ಚಾ ತೈಲ ವಿತರಣೆ ದರದಲ್ಲಿ 27 ಸೆಂಟ್ಸ್‌ಗಳ ಏರಿಕೆಯಾಗಿ ಪ್ರತಿ ಬ್ಯಾರೆಲ್‌ಗೆ 56.61 ಡಾಲರ್‌ಗಳಿಗೆ ಏರಿಕೆಯಾಗಿದೆ. ನ್ಯೂಯಾರ್ಕ್ ಮಾರುಕಟ್ಟೆಯಲ್ಲಿ ಪ್ರತಿ ಬ್ಯಾರೆಲ್‌ಗೆ 2.50 ಡಾಲರ್‌ಗಳ ಏರಿಕೆಯಾಗಿ 56.34 ಡಾಲರ್‌ಗಳಿಗೆ ತಲುಪಿದೆ ಎಂದು ಮಾರುಕಟ್ಟೆಯ ಮೂಲಗಳು ತಿಳಿಸಿವೆ.
ಅಮೆರಿಕ ಮತ್ತು ಚೀನಾ ದೇಶಗಳು ಸೇರಿದಂತೆ ಜಗತ್ತಿನ ಹಲವಾರು ರಾಷ್ಟ್ರಗಳು ಉತ್ತೇಜನ ಪ್ಯಾಕೇಜ್‌ಗಳನ್ನು ಘೋಷಿಸಿದ್ದರಿಂದ ಆರ್ಥಿಕ ಅಭಿವೃದ್ಧಿ ಹಾಗೂ ಅಗತ್ಯ ವಸ್ತುಗಳ ಬೇಡಿಕೆಯಲ್ಲಿ ಏರಿಕೆಯಾಗಿದೆ ಎಂದು ಮೆರಿಲ್ ಲಿಂಚ್‌ನ ಬ್ಯಾಂಕ್‌ ಆಫ್ ಅಮೆರಿಕದ ಫ್ರಾನ್ಸಿಸ್ಕೊ ಬ್ಲಾಂಚ್ ಹೇಳಿದ್ದಾರೆ
ಜಾಗತಿಕ ಆರ್ಥಿಕತೆಯನ್ನು ಪರಸ್ಪರ ಸಹಕಾರದ ಮೂಲಕ ಉತ್ತಮಗೊಳಿಸದಿದ್ದಲ್ಲಿ ಒತ್ತಡದ ಸ್ಥಿತಿ ಮರುಕಳಿಸುತ್ತದೆ ಎಂದು ಬ್ಲಾಂಚ್ ಅಭಿಪ್ರಾಯಪಟ್ಟಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ