ವಾಹನೋದ್ಯಮ ಮತ್ತು ಕಟ್ಟಡ ನಿರ್ಮಾಣ ಕ್ಷೇತ್ರಗಳಿಂದ ಹೆಚ್ಚಿನ ಬೇಡಿಕೆ ವ್ಯಕ್ತವಾದ ಹಿನ್ನೆಲೆಯಲ್ಲಿ ಉಕ್ಕು ಮಾರಾಟದಲ್ಲಿ ಶೇ.31 ರಷ್ಟು ಹೆಚ್ಚಳವಾಗಿ 4.52 ಲಕ್ಷ ಟನ್ಗಳಿಗೆ ತಲುಪಿದೆ ಎಂದು ದೇಶದ ಪ್ರಮುಖ ಉಕ್ಕು ತಯಾರಿಕೆ ಸಂಸ್ಥೆ ಟಾಟಾ ಸ್ಟೀಲ್ ಪ್ರಕಟಿಸಿದೆ.
ಕಳೆದ ವರ್ಷದ ಏಪ್ರಿಲ್ ತಿಂಗಳಲ್ಲಿ 3.43 ಲಕ್ಷ ಟನ್ ಉಕ್ಕು ಮಾರಾಟ ಮಾಡಲಾಗಿತ್ತು ಎಂದು ಟಾಟಾ ಸ್ಟೀಲ್ ಮೂಲಗಳು ತಿಳಿಸಿದೆ. ಏಪ್ರಿಲ್ ತಿಂಗಳ ಅವಧಿಯಲ್ಲಿ ಉಕ್ಕು ಉತ್ಪಾದನೆಯನ್ನು ಪರಿಶೀಲಿಸಿದಾಗ ಶೇ.30 ರಷ್ಟು ಹೆಚ್ಚಳವಾಗಿ 5.16 ಲಕ್ಷ ಟನ್ಗಳಿಗೆ ತಲುಪಿದೆ.
ಕಳೆದ ವರ್ಷ 3.96 ಲಕ್ಷ ಟನ್ ಉಕ್ಕು ಉತ್ಪಾದಿಸಲಾಗಿತ್ತು. ಜಮ್ಶೆಡ್ಪುರ್ನಲ್ಲಿರುವ ಎರಡು ಘಟಕಗಳು ಹೆಚ್ಚುವರಿ ಉಕ್ಕು ಉತ್ಪಾದನೆಯನ್ನು ಮಾಡಿ ತಲಾ 2.02 ಹಾಗೂ 2.66 ಲಕ್ಷ ಟನ್ ಉಕ್ಕು ಉತ್ಪಾದಿಸಿದೆ ಎಂದು ಟಾಟಾ ಸ್ಟೀಲ್ ಮೂಲಗಳು ತಿಳಿಸಿವೆ. |