ರಷ್ಯಾ ಮತ್ತು ಇತರ ರಾಷ್ಟ್ರಗಳಿಗೆ ಜಂಟಿಯಾಗಿ ಡಾಟಾ ಸೇವೆಯನ್ನು ನೀಡಲು ಟಾಟಾ ಗ್ರೂಪ್ ಕಂಪೆನಿಯ ಟಾಟಾ ಕಮ್ಯೂನಿಕೇಶನ್ಸ್ ಮತ್ತು ರಷ್ಯಾ ಮೂಲದ ಆರ್ಟಿ ಕಮ್ಯೂನಿಕೇಶನ್ಸ್ ಪಾಲುದಾರಿಕೆಯ ಒಪ್ಪಂದ ಮಾಡಿಕೊಂಡಿವೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.
ಆರ್ಟಿ ಕಮ್ಯೂನಿಕೇಶನ್ಸ್ ಟೆಲಿಕಾಂ ಕಂಪೆನಿ ರಷ್ಯಾದಲ್ಲಿ ಪ್ರಮುಖ ಕಂಪೆನಿಯಾಗಿದ್ದು ಇದೀಗ ರೋಸ್ಟೆಲಿಕಾಂ ಗ್ರೂಪ್ನ ಅಂಗವಾಗಿದೆ.
ಟಾಟಾ ಕಮ್ಯೂನಿಕೇಶನ್ಸ್ ಸಂಸ್ಥೆ ಜಾಗತಿಕ ಮಟ್ಟದಲ್ಲಿ ಹೆಸರುವಾಸಿಯಾಗಿದ್ದು, ರಷ್ಯಾ ಮಾರುಕಟ್ಟೆಯಲ್ಲಿ ಸ್ಥಳೀಯ ತಜ್ಞರನ್ನು ಉಪಯೋಗಿಸಿಕೊಂಡು ಡಾಟಾ ಸೇವೆಯನ್ನು ನೀಡಲು ನಿರ್ಧರಿಸಿದೆ ಎಂದು ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಟಾಟಾ ಕಮ್ಯೂನಿಕೇಶನ್ಸ್ ಮತ್ತು ಆರ್ಟಿ ಕಮ್ಯೂನಿಕೇಶನ್ಸ್ ಜಂಟಿಯಾಗಿ ಡಾಟಾ ಸೇವೆಯನ್ನು ನೀಡಲಿವೆ ಎಂದು ಟಾಟಾ ಕಮ್ಯೂನಿಕೇಶನ್ಸ್ ಮೂಲಗಳು ತಿಳಿಸಿವೆ. |