ಅತ್ಯಂತ ಜನಪ್ರಿಯ ಕಾರುಗಳಾದ ಮಾರುತಿ 800 ಮತ್ತು ಆಮ್ನಿ ತಯಾರಿಕೆಯನ್ನು ಸ್ಥಗಿತಗೊಳಿಸುವ ಬಗ್ಗೆ ಇನ್ನೂ ನಿರ್ಧರಿಸಿಲ್ಲ ಎಂದು ಮಾರುತಿ ಸುಜುಕಿ ಕಂಪೆನಿ ಭಾನುವಾರ ಸ್ಪಷ್ಟಪಡಿಸಿದೆ.
ಮಾರುತಿ 800 ಸ್ಥಗಿತದ ನಿರ್ಧಾರ ಇನ್ನೂ ಕೈಗೊಂಡಿಲ್ಲ. ಮಾರಾಟ ಬೇಕೋ ಅಥವಾ ಬೇಡ ಎನ್ನುವ ಬಗ್ಗೆ ಕಂಪೆನಿಯ ಮಾರಾಟ ವಿಭಾಗವು ಅಂತಿಮ ತೀರ್ಮಾನ ಕೈಗೊಳ್ಳಲಿದೆ ಎಂದು ಕಂಪೆನಿಯ ವ್ಯವಸ್ಥಾಪಕ ಕಾರ್ಯನಿರ್ವಾಹಕ ಅಧಿಕಾರಿ ಐ.ವಿ.ರಾವ್ ತಿಳಿಸಿದ್ದಾರೆ.
2010ರಿಂದ ಜಾರಿಯಾಗಲಿರುವ ಭಾರತ್ ಸ್ಟೇಜ್ 4ಎಮಿಷನ್ಸ್(ಮಾಲಿನ್ಯ ಹೊರಸೂಸುವಿಕೆ) ನೀತಿಯನ್ನು ಪಾಲಿಸುವ ನಿಟ್ಟಿನಲ್ಲಿ ಮಾರುತಿ ಹಾಗೂ ಆಮ್ನಿಗಳನ್ನು ಅತ್ಯಾಧುನೀಕರಿಸಲಾಗುತ್ತಿದೆ.
2015ರೊಳಗೆ ಮಾರುತಿ 800 ಹಾಗೂ ಆಮ್ನಿಯನ್ನು ಹಿಂತೆಗೆದುಕೊಳ್ಳಲಾಗುವುದು ಎಂದು ಈ ಹಿಂದೆ ಸಂಸ್ಥೆ ಘೋಷಿಸಿತ್ತು. ಈ ಕಾರುಗಳನ್ನು ಆಧುನೀಕರಣ ಮಾಡಬೇಕೆಂದು ಮಾರುಕಟ್ಟೆ ವಿಭಾಗದವರು ಸಲಹೆ ಮಾಡಿದ್ದು, ಇದನ್ನು ಪರಿಗಣಿಸಲಾಗುತ್ತಿದೆ ಎಂದು ಸಂಸ್ಥೆ ಹೇಳಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ