ನ್ಯಾನ್ ತೊಂಗ್ ಆರ್ಥಿಕ ಮತ್ತು ತಂತ್ರಜ್ಞಾನ ಅಭಿವೃದ್ಧಿ ಪ್ರದೇಶದ ಉಪಕಾರ್ಯದರ್ಶಿ ಚೆನ್ ಕ್ಸಿಯೋ ದಾಂಗ್ ನೇತೃತ್ವದ ನಿಯೋಗವೊಂದು ಭಾರತಕ್ಕೆ ಆಗಮಿಸಿದ್ದು ಭಾರತೀಯ ಕಂಪೆನಿಗಳು ನ್ಯಾನ್ ತೊಂಗ್ ಪಾರ್ಕ್‌ನಲ್ಲಿ ಬಂಡವಾಳ ಹೂಡುವಂತೆ ಆಹ್ವಾನ ನೀಡಿದೆ.
ನವದೆಹಲಿಯ ಭಾರತೀಯ ಮೈಕ್ರೋ ಮತ್ತು ಸಣ್ಣ ಹಾಗೂ ಮಧ್ಯಮ ಕೈಗಾರಿಕೆಗಳ ಒಕ್ಕೂಟದ ಸಹಯೋಗದೊಂದಿಗೆ ಸೋಮವಾರ ನಗರಕ್ಕೆ ಆಗಮಿಸಿ ಸುದ್ದಿಗಾರರೊಂದಿಗೆ ಮಾತನಾಡಿದ ಚೆನ್ ಕ್ಸಿಯೋ ದಾಂಗ್ ಅವರು ಭಾರತೀಯ ಉದ್ದಿಮೆದಾರರಿಗೆ ಬಂಡವಾಳ ಹೂಡುವಂತೆ ಕರೆ ನೀಡಿದರು.
ಶಾಂಘಾಯ್ ನ್ಯಾನ್ ತೊಂಗ್ ಪ್ರದೇಶದಲ್ಲಿ ವಿಶ್ವ ದರ್ಜೆಯ ತಂತ್ರಜ್ಞಾನ ಅಭಿವೃದ್ಧಿ ಪಾರ್ಕ್ ಅಭಿವೃದ್ಧಿ ಹೊಂದುತ್ತಿದ್ದು, ಉದ್ದಿಮೆದಾರರಿಗೆ ವಿಫುಲವಾದ ಅವಕಾಶವಿದೆ ಎಂದು ಅವರು ಹೇಳಿದರು. ಭಾರತೀಯ ಕಂಪೆನಿಗಳ ತಂತ್ರಜ್ಞಾನ ಪತ್ರಿಕೆಗಳ ಬಗ್ಗೆ ಮುಕ್ತಕಂಠದಿಂದ ಶ್ಲಾಘಿಸಿದರು.
ಜಾಗತಿಕ ಮತ್ತು ಆರ್ಥಿಕ ಹಿಂಜರಿತದ ನಡುವೆಯೂ ನ್ಯಾನ್ ತೊಂಗ್‌ನಲ್ಲಿ ಬಂಡವಾಳ ಹೂಡಿದರೆ ಚೀನಾ ಸರ್ಕಾರ ಎಲ್ಲಾ ಅಗತ್ಯ ನೆರವು ನೀಡಲಿದೆ ಎಂದು ಭರವಸೆ ನೀಡಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ