ಜಗತ್ತಿನಲ್ಲಿಯೇ ಖ್ಯಾತಿ ಪಡೆದ ಅಮೆರಿಕ ಮೂಲದ ಲಿಯೋಪಾರ್ಡ್ ವೋಡ್ಕಾ ಕಂಪೆನಿ ಜತೆ ಸಖ್ಯ ಬೆಳೆಸುವ ನಿಟ್ಟಿನಲ್ಲಿ ಕರ್ನಾಟಕದ ಮದ್ಯ ದೊರೆ ವಿಜಯ್ ಮಲ್ಯ ದೃಷ್ಟಿ ನೆಟ್ಟಿರುವುದಾಗಿ ಆಪ್ತ ಮೂಲಗಳು ತಿಳಿಸಿವೆ.
ವೋಡ್ಕಾ ಜತೆ ಪಾಲುದಾರರಾಗಲು ಮಾತುಕತೆ ನಡೆಸುತ್ತಿರುವ ಮಲ್ಯ ಅವರು, ಟ್ರೆಂಡಿ ಸ್ಪಿರಿಟ್ ಬ್ರ್ಯಾಂಡ್ ಅನ್ನು ಕೂಡ ಖರೀದಿಸುವ ಸಾಧ್ಯತೆ ಇರುವುದಾಗಿ ಹೇಳಲಾಗಿದೆ.
ಈ ಕುರಿತು ಯುನೈಟೆಡ್ ಕಿಂಗ್‌ಡಂನ ಯುನೈಟೆಡ್ ಸ್ಪಿರಿಟ್ಸ್‌ನ ದೈತ್ಯ ಕಂಪೆನಿ ವೈಟೆ ಎಂಡ್ ಮ್ಯಾಕೆ ಜತೆಗೆ ಮಾತುಕತೆ ನಡೆಸಿದ್ದಾರೆ. ಆದರೆ ಈ ಕುರಿತು ಅಧಿಕೃತವಾಗಿ ಯಾವುದೇ ಮಾಹಿತಿ ಲಭಿಸಿಲ್ಲ.
ವೋಡ್ಕಾ ಕಂಪೆನಿ ಕೂಡ ಮಲ್ಯ ಅವರೊಂದಿಗೆ ಒಪ್ಪಂದ ಮಾಡಿಕೊಳ್ಳಲು ಸಹಮತ ಸೂಚಿಸಿರುವುದಾಗಿ ಸಂಡೇ ಟೈಮ್ಸ್ ವರದಿ ತಿಳಿಸಿದೆ. ವೋಡ್ಕಾ ಕಂಪೆನಿಯ ಜತೆ ಮಲ್ಯ ಅವರು ಸಖ್ಯ ಬೆಳೆಸುವ ಮೂಲಕ ಜಾಗತಿಕವಾಗಿ ತಮ್ಮ ವಹಿವಾಟನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಪ್ರಮುಖ ನಿರ್ಧಾರ ಕೈಗೊಂಡಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ