ಯಲಹಂಕದ ಏರ್ ಕಮಾಂಡಿಂಗ್ ಆಫೀಸರ್ ಆಗಿ ವಿ.ಎಸ್.ಭಾರ್ತಿ ಅವರು ಮಂಗಳವಾರ ಅಧಿಕಾರ ಸ್ವೀಕರಿಸಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
ಏರ್ ಕಮಾಂಡರ್ ಭಾರ್ತಿ ಅವರು 5ಸಾವಿರ ಗಂಟೆಗೂ ಅಧಿಕ ಸಮಯ ಹೆಲಿಕಾಪ್ಟರ್ ಚಾಲನೆಯ ಅನುಭವ ಹೊಂದಿರುವುದಲ್ಲದೆ, ಚೇತಕ್, ಚೀತಾ, ಹೆಚ್‌ಸಿವಿ-32 ಮತ್ತು ಕಿರಣ್ ಸೇರಿದಂತೆ ಎಲ್ಲ ಬಗೆಯ ವಿಮಾನ ಚಾಲನೆಯಲ್ಲಿ ಪರಿಣತಿ ಹೊಂದಿರುವ ಹೆಗ್ಗಳಿಕೆ ಅವರದ್ದು.
ಈ ಮುನ್ನ ಹೆಲಿಕಾಪ್ಟರ್ ಕಾರ್ಯಾಚರಣೆ ವಾಯು ನೆಲೆಯ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿರುವ ಭಾರ್ತಿ ಜಮ್ಮು-ಕಾಶ್ಮೀರ ಕೇಂದ್ರ ಕಚೇರಿಯ ವಾಯುಪಡೆ ಸಿಬ್ಬಂದಿ ಮುಖ್ಯಸ್ಥರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ.
ಯುದ್ಧಸೇವಾ ಪದಕ, ವಾಯುಸೇನಾ ಪದಕ, ವಾಯು ಸೇವಾ ಪದಕಗಳಿಂದ ಪುರಸ್ಕೃತರಾಗಿರುವ ಭಾರ್ತಿ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯ ಹಿರಿಯ ಕಮಾಂಡರ್ ಪದವೀಧರರಾಗಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ