ಭಾರ್ತಿ ಏರ್ಟೆಲ್, ವೊಡಾಫೋನ್ ಎಸ್ಸಾರ್, ಐಡಿಯಾ ಸೆಲ್ಯೂಲರ್ ಹಾಗೂ ಟಾಟಾ ಟೆಲಿಕಂ ಕಂಪೆನಿಗಳ ಲೆಕ್ಕಪರಿಶೋಧನೆಗಾಗಿ ಈ ವಾರದಲ್ಲಿ ನಾಲ್ಕು ಮಂದಿ ವಿಶೇಷ ಲೆಕ್ಕಪರಿಶೋಧಕರನ್ನು ನೇಮಕ ಮಾಡುವುದಾಗಿ ಟೆಲಿಕಂ ಇಲಾಖೆ ಮಂಗಳವಾರ ತಿಳಿಸಿದೆ.
ಸಿಎಜಿ ಆಯೋಗದಿಂದ ನಾಲ್ಕು ಮಂದಿ ವಿಶೇಷ ಆಡಿಟರ್ಗಳನ್ನು ನೇಮಕ ಮಾಡಿಕೊಳ್ಳಲಾಗುತ್ತಿದೆ ಎಂದು ಡಿಓಟಿ ಅಧಿಕಾರಿಗಳು ಸುದ್ದಿ ಸಂಸ್ಥೆಗೆ ವಿವರಿಸಿದ್ದಾರೆ.
ಸರ್ಕಾರಕ್ಕೆ ಹಾಗೂ ಟೆಲಿಕಾಂ ಇಲಾಖೆಗಳ ಕಣ್ಣು ತಪ್ಪಿಸಿ ಸುಳ್ಳು ಲೆಕ್ಕಪತ್ರ ನೀಡುವ ಶಂಕೆಯಿಂದ, ಟೆಲಿಕಂ ಇಲಾಖೆ ವಿಶೇಷ ಲೆಕ್ಕಪರಿಶೋಧಕರಿಂದ ಈ ನಾಲ್ಕು ಕಂಪೆನಿಗಳ ಲೆಕ್ಕ ತಪಾಸಣೆ ನಡೆಸುತ್ತಿದೆ.
ಈ ನಾಲ್ಕು ಕಂಪೆನಿಗಳು ಯುಎಎಸ್ಎಲ್ ಹಾಗೂ ಎಲ್ಎನ್ಡಿ, ಐಎಲ್ಡಿ, ಐಪಿ, ಐಎಸ್ಪಿ ಮಲ್ಟಿಪಲ್ ಪರವಾನಿಗೆಯನ್ನು ಹೊಂದಿದೆ. ಆ ನಿಟ್ಟಿನಲ್ಲಿ ವಿಶೇಷ ಲೆಕ್ಕಪರಿಶೋಧಕರು ಕಂಪೆನಿಗಳ ಲೆಕ್ಕಪರಿಶೋಧನೆ ನಡೆಸಲಿದ್ದಾರೆ. |