ಅನಿಲ ಪೈಪ್‌ಲೈನ್ ಕಾಮಗಾರಿಯ ಹಿನ್ನೆಲೆಯಲ್ಲಿ ದೇಶಿಯವಾಗಿ ಉತ್ಪಾದಿಸುತ್ತಿರುವ ಅಡುಗೆ ಅನಿಲದ ಮೇಲೆ ಬಂಡವಾಳ ತೆರಿಗೆಯನ್ನು ಹೇರಲು ಸರ್ಕಾರ ನಿರ್ಧರಿಸಿರುವುದಾಗಿ ಪೆಟ್ರೋಲಿಯಂ ಕಾರ್ಯದರ್ಶಿ ಆರ್.ಎಸ್.ಪಾಂಡೆ ಬುಧವಾರ ತಿಳಿಸಿದ್ದಾರೆ.
ಸುಮಾರು 500-600ಕಿ.ಮೀ.ನೈಸರ್ಗಿಕ ಅನಿಲ ಪೈಪ್ ಲೈನ್ ಕಾಮಗಾರಿಯನ್ನು ಪ್ರಸಕ್ತ ಸಾಲಿನಲ್ಲಿಯೇ ಪೂರ್ಣಗೊಳಿಸುವ ಗುರಿಯನ್ನು ಇಟ್ಟುಕೊಂಡಿರುವ ಹಿನ್ನೆಲೆಯಲ್ಲಿ ಅದಕ್ಕೆ ಸಾಕಷ್ಟು ಆರ್ಥಿಕ ಅವಶ್ಯತೆ ಇರುವ ಕಾರಣ ಅಡುಗೆ ಅನಿಲ ಉತ್ಪಾದನೆ ಮೇಲೆ ಸೆಸ್ ಹೇರಲು ನಿರ್ಧರಿಸಿರುವುದಾಗಿ ಹೇಳಿದರು.
ಈ ರೀತಿಯಾಗಿ ತೆರಿಗೆ ಹೇರುವುದರಿಂದ ವಾರ್ಷಿಕವಾಗಿ ಸುಮಾರು 3ಸಾವಿರ ಕೋಟಿ ರೂ.ಆದಾಯ ಪಡೆಯಬಹುದಾಗಿದೆ ಎಂದು ಇಂಧನ ಫೋರಂ ಸಭೆಯನ್ನು ಉದ್ದೇಶಿಸಿ ಮಾತನಾಡುತ್ತ ತಿಳಿಸಿದರು.
ಪ್ರಸಕ್ತವಾಗಿ ಭಾರತ ಪ್ರತಿದಿನ 100ಮಿಲಿಯನ್ ಕ್ಯೂಬಿಕ್ ಅನಿಲವನ್ನು ಉತ್ಪಾದಿಸುತ್ತದೆ, ಅದರಲ್ಲೂ 25ಎಂಎಂಎಸ್‌ಎಂಡಿ ರಿಲಯನ್ಸ್ ಇಂಡಸ್ಟ್ರೀಸ್‌ನಿಂದ ಪಡೆಯಲಾಗುತ್ತದೆ. ಆ ಕಾರಣಕ್ಕಾಗಿ ಹೆಚ್ಚಿನ ಅನಿಲಕ್ಕಾಗಿ ಪೈಪ್ ಲೈನ್ ಯೋಜನೆ ಅಗತ್ಯವಾಗಿದೆ ಎಂದು ವಿವರಿಸಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ