ಮುಂದಿನ ವರ್ಷ ಭಾರತದಲ್ಲಿ ಕಾಮನ್ವೆಲ್ತ್ ಗೇಮ್ಸ್ ನಡೆಯಲಿದ್ದು, ಇದರಿಂದಾಗಿ ಪ್ರವಾಸೋದ್ಯಮಕ್ಕೆ ಮತ್ತಷ್ಟು ಚೇತರಿಕೆ ಕಾಣಲಿದೆ ಎಂದು ಡೆಲೊಯ್ಟ್ಟೆ ಅಭಿಪ್ರಾಯ ವ್ಯಕ್ತಪಡಿಸಿದೆ.
2010ರಲ್ಲಿ ಭಾರತ ಪ್ರಥಮ ಬಾರಿಗೆ ಕಾಮನ್ವೆಲ್ತ್ ಗೇಮ್ಸ್ ನಡೆಸುತ್ತಿದೆ. ಆ ಕಾರಣಕ್ಕಾಗಿ 2006ರಲ್ಲಿ ಮೆಲ್ಬೋರ್ನ್ನಲ್ಲಿ ಗೇಮ್ಸ್ ನಡೆದಾಗ ಹೋಟೆಲ್ಗಳಿಗೆ ಬಂಪರ್ ವ್ಯವಹಾರ ಕುದುರಿದಂತೆ ಭಾರತದಲ್ಲಿಯೂ ಅದೇ ವ್ಯವಹಾರ ಕುದುರಲಿದೆ ಎಂಬ ನಂಬಿಕೆ ಭಾರತದ ಹೋಟೆಲ್ ಮಾಲಿಕರದ್ದು ಎಂದು ವರದಿ ತಿಳಿಸಿದೆ.
ಕಾಮನ್ ವೆಲ್ತ್ ಗೇಮ್ಸ್ ಹಿನ್ನೆಲೆಯಲ್ಲಿ ಅಂತಾರಾಷ್ಟ್ರೀಯ ಮತ್ತು ದೇಶೀಯ ಹೋಟೆಲುಗಳು ಪ್ರವಾಸಿಗರಿಗೆ ಉತ್ತಮವಾದ ರೂಂ, ಸೌಲಭ್ಯ ನೀಡುವತ್ತ ಹೆಚ್ಚಿನ ಗಮನಹರಿಸಿವೆ. ಮುಂಬೈ ಮತ್ತು ದೆಹಲಿ ಬಗ್ಗೆ ಹೆಚ್ಚಿನ ಕಾಳಜಿವಹಿಸಿರುವುದಾಗಿ ಡೆಲೊಯ್ಟ್ಟೆ ಹೇಳಿದೆ.
ಕಳೆದ ವರ್ಷ ನವೆಂಬರ್ ತಿಂಗಳಿನಲ್ಲಿ ಮುಂಬೈನಲ್ಲಿ ನಡೆದ ಭಯೋತ್ಪಾದನಾ ದಾಳಿ ಹಾಗೂ ಜಾಗತಿಕ ಹಿಂಜರಿತ ಇದ್ದರೂ ಕೂಡ ಭಾರತ ಪ್ರವಾಸೋದ್ಯಮದಲ್ಲಿ ಜಾಗತಿಕವಾಗಿ ಮತ್ತಷ್ಟು ಅಭಿವೃದ್ಧಿ ಸಾಧಿಸಲಿದೆ ಎಂದು ವಿವರಿಸಿದೆ. |