ಭಾರತದ ಎರಡನೇಯ ಬೃಹತ್ ವಿಮಾನಯಾನ ಸಂಸ್ಥೆಯಾದ ಜೆಟ್ ಏರ್‌ವೇಸ್ ಇದೀಗ 3000ಸಾವಿರ ಗಗನಸಖಿಯರಲ್ಲಿ ಸುಮಾರು 120ಮಂದಿ ವಿದೇಶಿ ಗಗನಸಖಿಯರನ್ನು ನೌಕರಿಯಿಂದ ವಜಾಗೊಳಿಸುವುದಾಗಿ ತಿಳಿಸಿದೆ.
ಗಗನಸಖಿಯರಲ್ಲಿ ಮಲೇಷ್ಯಾ, ಸಿಂಗಾಪುರ್ ಹಾಗೂ ಥೈಲ್ಯಾಂಡ್‌ ದೇಶಕ್ಕೆ ಸೇರಿದವರಾಗಿದ್ದಾರೆ. ಅಲ್ಲದೇ ಜೆಟ್ ಏರ್‌ವೇಸ್ ಹೆಚ್ಚಿನ ಸಂಖ್ಯೆಯಲ್ಲಿ ಈ ದೇಶದ ಯುವತಿಯರನ್ನೇ ಗಗನಸಖಿ ಕೆಲಸಕ್ಕೆ ಆಯ್ಕೆ ನೇಮಕ ಮಾಡುತ್ತ ಬಂದಿದೆ. ಇದೀಗ ಈ ಮೂರು ದೇಶಗಳ 120ಮಂದಿ ಗಗನಸಖಿಯರಿಗೆ ಕೊಕ್ ನೀಡಲು ನಿರ್ಧರಿಸಿದೆ.
ಜಾಗತಿಕ ಆರ್ಥಿಕ ಹಿಂಜರಿತದ ಹೊಡೆತದ ಬಿಸಿ ಇನ್ನೂ ಮುಂದುವರಿದಿರುವ ಹಿನ್ನೆಲೆಯಲ್ಲಿ ಈ ಕ್ರಮಕ್ಕೆ ಮುಂದಾಗಿರುವುದಾಗಿ ಜೆಟ್ ಸಂಸ್ಥೆ ತಿಳಿಸಿದೆ. ಆದರೂ ನಾವು ವಿದೇಶಿ ಸಂಚಾರದಲ್ಲಿ ನಮ್ಮ ಭಾರತದ ಗಗನಸಖಿಯರ ಉಪಚಾರದಿಂದಲೇ ವ್ಯವಹಾರವನ್ನು ಉತ್ತಮವಾಗಿ ಮುನ್ನೆಡೆಸುವುದಾಗಿ ಜೆಟ್ ವಿವರಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ