ದೇಶದ ಪ್ರತಿಷ್ಠಿತ ಸಾಫ್ಟ್‌‌ವೇರ್ ರಫ್ತು ಸಂಸ್ಥೆಯಾದ ವಿಪ್ರೊದ ಅಂಗಸಂಸ್ಥೆ ಇನ್ಫೋಕ್ರಾಸಿಂಗ್‌ಗೆ ಅಮೆರಿಕದ ಸುನೊಕೋ ಕಂಪನಿಯಿಂದ 34 ದಶಲಕ್ಷ ಡಾಲರ್ ಮೊತ್ತದ ಗುತ್ತಿಗೆ ಪಡೆದಿರುವುದಾಗಿ ತಿಳಿಸಿದೆ. ದೇಶದ ಸಾಫ್ಟ್ ವೇರ್ ದಿಗ್ಗಜ ಟಿಸಿಎಸ್‌‌ಯು ವೊಕ್ಸ್ ವ್ಯಾಗನ್ ಕಂಪನಿಯ ಲಂಡನ್ ಘಟಕದಿಂದ 5 ವರ್ಷಗಳ ಐಟಿ ಗುತ್ತಿಗೆ ಪಡೆದುಕೊಂಡಿದೆ.
ಪೆಟ್ರೋಲಿಯಂ ಮತ್ತು ಅದರ ಉತ್ಪನ್ನಗಳ ಮಾರಾಟ ಸಂಸ್ಥೆ ಸುನೊಕೋ ನೀಡಿರುವ ಈ ಗುತ್ತಿಗೆ ನಾಲ್ಕು ವರ್ಷ ಅವಧಿಯದ್ದಾಗಿದೆ. ಈ ಗುತ್ತಿಗೆ ಮೂಲಕ ಸನೊಕೋ ಇನ್ಫೋ ಕ್ರಾಸಿಂಗ್ ಜೊತೆಗಿನ 13 ವರ್ಷಗಳ ಬಾಂಧವ್ಯವನ್ನು ಮುಂದುವರಿಸಿದೆ.
ಟಿಸಿಎಸ್ ಗೆ ವೋಕ್ಸ್ ವ್ಯಾಗನ್ ಬಿಪಿಒ
ಅದೇ ರೀತಿ ಮತ್ತೊಂದು ಹೆಸರಾಂತ ಸಾಫ್ಟ್‌‌ವೇರ್ ಕಂಪೆನಿಯಾದ ಟಿಸಿಎಸ್‌‌ಯು ವೊಕ್ಸ್ ವ್ಯಾಗನ್ ಕಂಪನಿಯ ಲಂಡನ್ ಘಟಕದ ಐಟಿ ಗುತ್ತಿಗೆ ಪಡೆದಿದೆ. ಇದು 5 ವರ್ಷದ ಗುತ್ತಿಯಾಗಿದ್ದು, ಟಿಸಿಎಸ್ ಕಾರುಗಳ ಉತ್ಪಾದನೆ ಕುರಿತು ಐಟಿ ಟ್ರಾನ್ಸ್ ಪಾರ್ಮೇಶನ್ ಮತ್ತು ಬೆಂಬಲ ಸೇವೆಯನ್ನು ಒದಗಿಸಲಿದೆ.
ಗುತ್ತಿಗೆ ಮೊತ್ತದ ಬಗ್ಗೆ ಕಂಪನಿ ವಿವರ ಬಹಿರಂಗಪಡಿಸಿಲ್ಲ. ಒಪ್ಪಂದ ಪ್ರಕಾರ ಲಂಡನ್ ನಲ್ಲಿರುವ ವೋಕ್ಸ್ ವ್ಯಾಗನ್ ಬ್ರ್ಯಾಂಡ್ ಗಳಾದ ಆಡಿ, ಸಿಯೆಟ್, ಸ್ಕೋಡಾ, ವೋಕ್ಸ್ ವ್ಯಾಗನ್ ಪ್ಯಾಸೆಂಜರ್ ಕಾರ್ ಹಾಗೂ ವಾಣಿಜ್ಯ ವಾಹನಗಳಿಗೆ ಸ್ಥಳೀಯ ಮತ್ತು ಸಾಗರೋತ್ತರ ಐಟಿ ಸೇವೆಯನ್ನು ಒದಗಿಸುವ ಸಲುವಾಗಿ ವಿತರಣಾ ಜಾಲವನ್ನು ಬಳಿಸಿಕೊಳ್ಳಲಿದೆ ಎಂದು ಟಿಸಿಎಸ್ ತಿಳಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ