ಡಚ್ ಟಯರ್ ಕಂಪೆನಿಯಾದ ವ್ರೆಡೆಸ್ಟೈನ್ ಬಾಂಡೇನ್ ಬಿವಿಯನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡಿರುವುದಾಗಿ ದೆಹಲಿ ಮೂಲದ ಪ್ರತಿಷ್ಠಿತ ಟಯರ್ ತಯಾರಿಕಾ ಕಂಪೆನಿಯಾದ ಅಪೋಲೋ ಟಯರ್ಸ್ ಲಿಮಿಟೆಡ್ ಘೋಷಿಸಿದೆ. ಆದರೆ ಡಚ್ ಕಂಪೆನಿಯನ್ನು ಎಷ್ಟು ಮೊತ್ತಕ್ಕೆ ಖರೀದಿಸಲಾಯಿತು ಎಂದು ಅಪೋಲೋ ಕಂಪೆನಿ ಖಚಿತಪಡಿಸಿಲ್ಲ.
ವ್ರೆಡೆಸ್ಟೈನ್ ಬಾಂಡೇನ್ ಕಂಪೆನಿಯ ವಾರ್ಷಿಕ ಆದಾಯ 300ಮಿಲಿಯನ್ ಯುರೋ ಆಗಿದ್ದು, ರಷ್ಯಾದ ಬೃಹತ್ ಟಯರ್ ತಯಾರಿಕೆ ಕಂಪೆನಿಯಾದ ಇದು ಜಾಗತಿಕ ಆರ್ಥಿಕ ಹಿಂಜರಿತ ಮತ್ತು ನಷ್ಟದಿಂದಾಗಿ ಕಳೆದ ತಿಂಗಳು ದಿವಾಳಿಯಾಗಿತ್ತು.
ಆ ನಿಟ್ಟಿನಲ್ಲಿ ವ್ರೆಡೆಸ್ಟೈನ್ ಬಾಂಡೇನ್ ಕಂಪೆನಿಯನ್ನು ಭಾರತದ ಕಂಪೆನಿ ಖರೀದಿಸಿದ್ದು, ಇನ್ನು ಮುಂದೆ ಅಪೋಲೋ ವ್ರೆಡೆಸ್ಟೈನ್ ಬಿವಿ ಪ್ರೈವೇಟ್ ಲಿಮಿಟೆಡ್ ಎಂದು ಹೆಸರಿನಿಂದ ವ್ಯವಹಾರ ನಡೆಸಲಿದೆ ಎಂದು ಸಂಸ್ಥೆ ತಿಳಿಸಿದೆ.
ವ್ರೆಡೆಸ್ಟೈನ್ ವಾರ್ಷಿಕವಾಗಿ 5.5ಮಿಲಿಯನ್ ಟಯರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದ್ದು, ಇದೀಗ ವ್ರೆಡೆಸ್ಟೈನ್ ಮತ್ತು ಅಪೋಲೋ ಜಂಟಿಯಾಗಿ ವಾರ್ಷಿಕವಾಗಿ 16.8ಮಿಲಿಯನ್ ಟಯರ್ ಉತ್ಪಾದಿಸಲಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ