ಆರ್ಥಿಕ ಹಿಂಜರಿತದ ನಡುವೆಯೂ 2010ರ ಆರ್ಥಿಕ ವರ್ಷದಲ್ಲಿ ದೇಶೀಯವಾಗಿ ಸರಕು-ಸರಂಜಾಮುಗಳ ಬೇಡಿಕೆಗಳಲ್ಲಿ ಹೆಚ್ಚಳ ಕಾಣಲಿದ್ದು, ಬ್ರ್ಯಾಂಡೆಡ್ ವಸ್ತುಗಳ ಬೆಲೆಗಳಲ್ಲಿಯೂ ಇಳಿಕೆ ಕಾಣುವ ಸಾಧ್ಯತೆ ಇರುವುದಾಗಿ ಆರ್ಥಿಕ ತಜ್ಞರ ವಲಯ ತಿಳಿಸಿದೆ.
ಜಾಗತಿಕವಾಗಿ ಸರಕುಗಳ ಧಾರಣೆಯಲ್ಲಿ ಕುಸಿತ ಕಾಣಲಿದೆ ಎಂದು ನಾವು ನಿರೀಕ್ಷಿಸಿರುವುದಾಗಿ ಹೇಳಿದ್ದು, ಬ್ರ್ಯಾಂಡೆಡ್ ವಸ್ತುಗಳ ಬೆಲೆಯು ಭಾರತದಲ್ಲಿ ಕಡಿಮೆಯಾಗಲಿದೆ ಎಂದು ಹೇಳಿದೆ. ಇದು 2009-10ರ ಸಾಲಿನಲ್ಲಿ ವಸ್ತುಗಳ ಬೇಡಿಕೆಗೆ ಪೂರಕವಾಗಲಿದೆ ಎಂದು ಸಿಎಂಐಇ (ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕೋನಮಿ) ವಿವರಿಸಿದೆ.
ಜಾಗತಿಕ ಆರ್ಥಿಕ ಹೊಡೆತದ ಬಿಸಿ ಹೆಚ್ಚಾಗಿ ಭಾರತದಲ್ಲಿರುವ ಸಣ್ಣ ಕೈಗಾರಿಕೆಗಳ ಮೇಲೆ ಹೆಚ್ಚಿನ ಪರಿಣಾಮ ಬೀರಿದೆ. ಅದರಲ್ಲೂ ಮುಖ್ಯವಾಗಿ ರಫ್ತು ಆಧಾರಿತ ಕೈಗಾರಿಕೆ ಮೇಲೆ ಎಂದು ಸಿಎಂಐಇ ವರದಿ ತಿಳಿಸಿದೆ. ಉಳಿದ ಕ್ಷೇತ್ರಗಳ ಮೇಲೆ ಜಾಗತಿಕ ಆರ್ಥಿಕ ಹಿಂಜರಿತ ಹೆಚ್ಚಿನ ಪರಿಣಾಮ ಬೀರಿಲ್ಲ ಎಂದು ಹೇಳಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ