ದೇಶದ ಪ್ರತಿಷ್ಠಿತ ಟಾಟಾ ಎಐಜಿ ಜೀವವಿಮಾ ಕಂಪೆನಿಯ ನೂತನ ಆಡಳಿತ ನಿರ್ದೇಶಕರನ್ನಾಗಿ ಸುರೇಶ್ ಮಹಾಲಿಂಗಂ ಅವರನ್ನು ನೇಮಕ ಮಾಡಿರುವುದಾಗಿ ತಿಳಿಸಿರುವ ಸಂಸ್ಥೆ, ಮಹಾಲಿಂಗಂ ಜೂನ್1ರಂದು ಅಧಿಕಾರ ವಹಿಸಿಕೊಳ್ಳಲಿದ್ದಾರೆ ಎಂದು ತಿಳಿಸಿದೆ.
ಈ ಹಿಂದೆ ಮಹಾಲಿಂಗಂ ಟಾಟಾ ಎಐಜಿ ಜೀವವಿಮಾ ವಿಭಾಗದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಕರ್ತವ್ಯ ನಿರ್ವಹಿದ್ದರು. ಇದೀಗ ಆಡಳಿತ ನಿರ್ದೇಶಕರಾಗಿ ಭಡ್ತಿ ಹೊಂದಿದ್ದಾರೆ ಎಂದು ಟಾಟಾ ಪ್ರಕಟಣೆಯಲ್ಲಿ ಹೇಳಿದೆ.
ಮುಂಬೈ ಮೂಲದ ಮಹಾಲಿಂಗಂ ಅವರು ಟಾಟಾ ಎಐಜಿ ಜೀವವಿಮಾದಲ್ಲಿ ಆರಂಭಿಕವಾಗಿ ಭಾರತದ ವಿವಿಧೆಡೆ ಕರ್ತವ್ಯ ನಿರ್ವಹಿಸಿದ್ದು, ಹಂತ, ಹಂತವಾಗಿ ವ್ಯವಹಾರ, ಮಾರ್ಕೆಟ್ ಅಭಿವೃದ್ಧಿ ಕಾರ್ಯಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡು ಉನ್ನತ ಹುದ್ದೆಗೇರಿರುವುದಾಗಿ ಪ್ರಕಟಣೆ ವಿವರಿಸಿದೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ