ದೇಶದ ಪ್ರಮುಖ ಮಾಹಿತಿ ತಂತ್ರಜ್ಞಾನ ಸಂಸ್ಥೆಯಾದ ಯಶ್ ಬಿರ್ಲಾ ಕಂಪೆನಿ ಮೆಲ್‌ಸ್ಟಾರ್ ಇನ್‌ಫಾರ್ಮೆಶನ್ ಟೆಕ್ನಾಲಜೀಸ್ ಅನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡಿರುವುದಾಗಿ ತಿಳಿಸಿದೆ.
ಕಂಪೆನಿಯನ್ನು ಮತ್ತಷ್ಟು ಅಭಿವೃದ್ಧಿಗೊಳಿಸುವ ನಿಟ್ಟಿನಲ್ಲಿ ಮೆಲ್‌ಸ್ಟಾರ್ ಇನ್‌ಫಾರ್ಮೆಶನ್ ಟೆಕ್ನಾಲಜೀಸ್ ಕಂಪೆನಿಯನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡಿರುವುದಾಗಿ ತಿಳಿಸಿರುವ ಬಿರ್ಲಾ, ಮುಂದೆ ಶಿಕ್ಷಣ, ಆರೋಗ್ಯ ಹಾಗೂ ಮಾಹಿತಿ ತಂತ್ರಜ್ಞಾನಗಳ ನೂತನ ಸೆಕ್ಟರ್‌ಗಳನ್ನು ಮತ್ತಷ್ಟು ವಿಸ್ತರಿಸಲಾಗುವುದು ಎಂದರು.
ಮೆಲ್‌ಸ್ಟಾರ್ ಎಪ್ಲಿಕೇಶನ್ ಡೆವಲಪ್‌ಮೆಂಟ್ ಸಾಫ್ಟ್‌ವೇರ್ ಸರ್ವಿಸ್ ಕಂಪೆನಿಯಾಗಿದೆ. ಅಲ್ಲದೇ ಪ್ರೊಫೆಶನಲ್ ಕನ್‌ಸಲ್ಟಿಂಗ್, ಪ್ರೊಜೆಕ್ಟ್ ಸರ್ವಿಸ್, ಸೊಲ್ಯೂಶನ್ಸ್ ಕೂಡ ಸೇರಿದೆ. ಆ ನಿಟ್ಟಿನಲ್ಲಿ ಯಶ್ ಬಿರ್ಲಾ ಗ್ರೂಪ್ ಹಾಗೂ ಮೆಲ್‌ಸ್ಟಾರ್ ಗ್ರೂಪ್ ಜಂಟಿಯಾಗಿ ಇನ್ನು ಮುಂದೆ ಈ ಮೊದಲಿನಂತೆಯೇ ಯಶ್ ಕಂಪೆನಿ ಯಾವ ತೆರನಾಗಿ ಕಾರ್ಯನಿರ್ವಹಿಸುತ್ತಿತ್ತೋ ಅದೇ ತೆರನಾಗಿ ಕಾರ್ಯನಿರ್ವಹಿಸಲಿದೆ ಎಂದು ಹೇಳಿದರು.
ಇದೀಗ ಮೆಲ್‌ಸ್ಟಾರ್ ಖರೀದಿಯೊಂದಿಗೆ ಬೋರ್ಡ್ ಆಫ್ ಡೈರೆಕ್ಟರ್ಸ್ ಅನ್ನು ಬದಲಾವಣೆ ಮಾಡಿದೆ. ಯಶ್ ಬಿರ್ಲಾ ಅಧ್ಯಕ್ಷರಾಗಿ, ಪಿವಿಆರ್ ಮೂರ್ತಿ ಹಾಗೂ ಅನೋಜ್ ಮೆನನ್ ನಿರ್ದೇಶಕರಾಗಿ, ಎಸ್.ಎಂ.ಆರೋರಾ ಆಡಳಿತ ನಿರ್ದೇಶಕರನ್ನಾಗಿ ಆಯ್ಕೆ ಮಾಡಲಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ