ಸಂಪರ್ಕ ಜೋಡಣೆ ಮತ್ತು ಮಾಹಿತಿ ತಂತ್ರಜ್ಞಾನ ವಿಷಯ ವಸ್ತುವನ್ನಾಧರಿಸಿದ ಎರಡು ಲೋಹಗಳ ಮಿಶ್ರಣದ 10ರೂ. ನೂತನ ನಾಣ್ಯವನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡುವುದಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ ತಿಳಿಸಿದೆ.ಈ ಕುರಿತು ಹೇಳಿಕೆ ನೀಡಿರುವ ರಿಸರ್ವ್ ಬ್ಯಾಂಕ್ ಪ್ರಾದೇಶಿಕ ನಿರ್ದೇಶಕ ಬಿ.ಶ್ರೀನಿವಾಸ್ ಅವರು, ನಾಣ್ಯದ ಮುಖಭಾಗವು ಎರಡು ಅಡ್ಡಗೆರೆಗಳ ಮೂಲಕ ಮೂರು ಭಾಗಗಳಲ್ಲಿ ವಿಂಗಡಿಸಲ್ಪಟ್ಟಿದ್ದು, ಮಧ್ಯಭಾಗದಲ್ಲಿ ಸತ್ಯ ಮೇವ ಜಯತೆ ಎಂಬ ಬರಹ ಹಾಗೂ ಅಶೋಕ ಸ್ತಂಭದ ಸಿಂಹದ ತಲೆ ಹೊಂದಿರುತ್ತದೆ ಎಂದು ಹೇಳಿದರು.ಹಿಂಭಾಗದಲ್ಲಿನ ವಿನ್ಯಾಸವು ಅಭಿವೃದ್ಧಿ ಹಾಗೂ ಸಂಪರ್ಕ ಜೋಡಣೆಯನ್ನು ಸೂಚಿಸುವ ಚಿತ್ರ ಒಳಗೊಂಡಿದ್ದು, 27ಮಿ.ಮಿ. ವೃತ್ತಾಕಾರ ಹಾಗೂ 7.71ಗ್ರಾಮ ತೂಕದ್ದಾಗಿರುತ್ತದೆ ಎಂದು ವಿವರಿಸಿದ್ದಾರೆ. |