ಭಾರತೀಯ ಮೂಲದ ಪ್ರತಿಷ್ಠಿತ ಸಾಫ್ಟ್ವೇರ್ ಕಂಪೆನಿಯಾದ ಇನ್ಫೋಸಿಸ್ ಸಾಫ್ಟ್ವೇರ್ ಕಂಪೆನಿ ಮುಂದಿನ 12ರಿಂದ 18ತಿಂಗಳೊಳಗೆ ಅಮೆರಿಕದಲ್ಲಿ 1 ಸಾವಿರ ಮಂದಿ ನೌಕರರನ್ನು ನೂತನವಾಗಿ ನೇಮಕ ಮಾಡಿಕೊಳ್ಳಲು ನಿರ್ಧರಿಸಲಾಗಿದೆ ಎಂದು ತಿಳಿಸಿದೆ.
ಈ ವಾರ ನಡೆಯಲಿರುವ ಮೈಕ್ರೋಸಾಫ್ಟ್ ಸಿಇಓಗಳ ಸಭೆಗಾಗಿ ಆಗಮಿಸಿರುವ ಇನ್ಫೋಸಿಸ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಗೋಪಾಲ್ ಕೃಷ್ಣನ್ ಸ್ಥಳೀಯ ಮಾಧ್ಯಮ ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಅವರು, ಅಮೆರಿಕದಲ್ಲಿ ಮಾಹಿತಿ ತಂತ್ರಜ್ಞಾನ ಮತ್ತಷ್ಟು ವಿಸ್ತರಿಸುವ ನಿಟ್ಟಿನಲ್ಲಿ ಸಾವಿರ ಮಂದಿ ನೂತನ ನೌಕರರನ್ನು ನೇಮಕ ಮಾಡಿಕೊಳ್ಳುವ ಯೋಜನೆ ಕಂಪೆನಿ ಮುಂದಿದೆ ಎಂದರು.
ಅಮೆರಿಕದಾದ್ಯಂತ ಮುಂದಿನ 12 ರಿಂದ 18ತಿಂಗಳೊಳಗೆ ಸಾವಿರ ನೌಕರರನ್ನು ನೇಮಕ ಮಾಡಲಾಗುವುದು ಎಂದು ಹೇಳಿದರು. ಅಮೆರಿಕದಾದ್ಯಂತ ಈಗಾಗಲೇ 14 ಸಾವಿರ ಕಂಪೆನಿಗಳಲ್ಲಿ ಅಮೆರಿಕ ಮೂಲದ 1,04,000ನೌಕರರು ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ವಿವರಿಸಿದರು.
ಹೆಚ್ಚಿನ ಉತ್ತಮವಾದ ಸೇವೆಯನ್ನು ನೀಡುವ ಮೂಲಕ ನಮ್ಮ ಉದ್ಯಮವನ್ನು ಮತ್ತಷ್ಟು ಬೆಳೆಸುವ ವಿಶ್ವಾಸ ಹೊಂದಿರುವುದಾಗಿ ತಿಳಿಸಿದ ಅವರು, ಭಾರತ ಶೀಘ್ರವಾಗಿಯೇ ಆರ್ಥಿಕ ಹಿಂಜರಿತದಿಂದ ಚೇತರಿಕೆ ಕಾಣಲಿದೆ ಎಂದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ