2008-09ನೇ ಸಾಲಿನಲ್ಲಿ ಅಗತ್ಯ ವಸ್ತುಗಳ ಸಾಗಣೆಯಲ್ಲಿ ರೈಲ್ವೆ ಇಲಾಖೆ ಸುಮಾರು 53ಸಾವಿರ ಕೋಟಿ ರೂಪಾಯಿ ಸಂಪಾದಿಸಿರುವುದಾಗಿ ತಿಳಿಸಿದ್ದು, ಅದರಲ್ಲಿ 20ಸಾವಿರ ಕೋಟಿ ರೂ.ಕೇವಲ ಕಲ್ಲಿದ್ದಲು ಸಾಗಣೆಯಿಂದ ಗಳಿಸಿರುವುದಾಗಿದೆ ಎಂದು ತಿಳಿಸಿದೆ.
ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ರೈಲ್ವೆ ಇಲಾಖೆ ಅಗತ್ಯ ವಸ್ತುಗಳ ಸರಕು ಸಾಗಣೆಯಿಂದಾಗಿ 53,137ಕೋಟಿ ರೂಪಾಯಿ ಆದಾಯ ಗಳಿಸಿರುವುದಾಗಿ ತಿಳಿಸಿದ್ದು, ಅದರಲ್ಲಿ 369.41 ಮಿಲಿಯನ್ ಟನ್ ಕಲ್ಲಿದ್ದಲು ಸಾಗಣೆಯಿಂದ 20,029ಕೋಟಿ ರೂ. ಆದಾಯ ಗಳಿಸಿರುವುದಾಗಿ ರೈಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪ್ರಸಕ್ತ ಆರ್ಥಿಕ ವರ್ಷದ ಸಾಗಟದಲ್ಲಿ ಕಲ್ಲಿದ್ದಲು ಅಲ್ಲದೇ, ಇನ್ನಿತರ ವಸ್ತುಗಳಾದ ಸಿಮೆಂಟ್, ಆಹಾರ ವಸ್ತು, ಪೆಟ್ರೋಲಿಯಂ ಆಯಿಲ್, ಲ್ಯೂಬ್ರಿಕೆಂಟ್, ಐರನ್ ಓರ್ ಮತ್ತು ಸ್ಟೀಲ್ ಸಾಗಣೆಯನ್ನು ಕೂಡ ಸೇರಿದೆ.
ಏಪ್ರಿಲ್ ತಿಂಗಳೊಂದರಲ್ಲಿಯೇ ಸರಕು ಸಾಗಣೆಯ ಶುಲ್ಕದಿಂದ 4,571ಕೋಟಿ ರೂಪಾಯಿ ಗಳಿಸಿರುವುದಾಗಿ ಇಲಾಖೆ ಹೇಳಿದೆ. ಇದರಲ್ಲಿ 1866ಕೋಟಿ ರೂಪಾಯಿ ಕಲ್ಲಿದ್ದಲು ಸಾಗಣೆಯ ಶುಲ್ಕ ಸೇರಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ