ಸಂಸತ್ನ ಮುಂಬರುವ ಅಧಿವೇಶನದಲ್ಲಿ ಹೊಸ ಸರ್ಕಾರ ಮಂಡಿಸುವ ಪೂರ್ಣ ಪ್ರಮಾಣದ ಬಜೆಟ್ನಲ್ಲಿ ಮಧ್ಯಮ ವರ್ಗದವರಿಗೆ ಸಹಾಯಕವಾಗಲೆಂಬ ಉದ್ದೇಶದಿಂದ ಈಗಿರುವ ತೆರಿಗೆ ಮಿತಿಯ ಮೊತ್ತವನ್ನು 1.5ಲಕ್ಷ ರೂ.ಗಳಿಂದ 1.75-2ಲಕ್ಷ ರೂ.ಗಳಿಗೆ ಏರಿಸುವ ಸಾಧ್ಯತೆಗಳಿವೆ.
ನೇರ ತೆರಿಗೆ ವಿಭಾಗದಲ್ಲಿ ನೀಡಬಹುದೆನ್ನಲಾಗಿರುವ ಇನ್ನೊಂದು ಸೌಲಭ್ಯವೆಂದರೆ ಸೌಲಭ್ಯ ತೆರಿಗೆಯ ವಿನಾಯಿತಿ, ಇವೆರಡು ಕ್ರಮಗಳಿಂದಾಗಿ ಸರ್ಕಾರದ ಬೊಕ್ಕಸಕ್ಕೆ ಸುಮಾರು 10ಸಾವಿರ ಕೋಟಿ ರೂ.ತೆರಿಗೆ ನಷ್ಟವಾಗಲಿದೆ.
ಈ ಬಗ್ಗೆ ಸರ್ಕಾರ ತೀವ್ರ ಪರಿಶೀಲನೆ ನಡೆಸುತ್ತಿದೆ ಎಂದು ಹಣಕಾಸು ಖಾತೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ನೂತನ ಸರ್ಕಾರ ಈ ಬಾರಿ ತೆರಿಗೆದಾರರಿಗೆ ಮತ್ತಷ್ಟು ಅನುಕೂಲತೆ ಕಲ್ಪಿಸಿಕೊಡಲಿದೆ ಎಂಬ ಭರವಸೆ ಹೊಂದಲಾಗಿದೆ. |