ದೇಶದ ಜನತೆ ಕಾಂಗ್ರೆಸ್ ನೇತೃತ್ವದ ಯುಪಿಎ ಸರಕಾರದ ಪರವಾಗಿ ತೀರ್ಪು ನೀಡಿದ ಕೇವಲ ಐದು ದಿನಗಳ ವಹಿವಾಟಿನಲ್ಲಿ ಅಂಬಾನಿ ಸಹೋದರರು 90 ಸಾವಿರ ಕೋಟಿ ರೂಪಾಯಿಗಳ ಸಂಪತ್ತನ್ನು ಹೆಚ್ಚಿಸಿಕೊಂಡು ಅತಿ ಹೆಚ್ಚು ಲಾಭ ಪಡೆದವರ ಸಾಲಿನಲ್ಲಿ ಮುಂಚೂಣಿಯಲ್ಲಿದ್ದಾರೆ.
ಲೋಕಸಭಾ ಚುನಾವಣೆಯ ಫಲಿತಾಂಶ ಘೋಷಣೆಯಾದ ನಂತರ ಅನಿಲ್ ಅಂಬಾನಿ ವಹಿವಾಟಿನ ಮಾರುಕಟ್ಟೆಯ ಮೌಲ್ಯ ಶೇ.35 ರಷ್ಟು ಏರಿಕೆಯಾಗಿದ್ದು, ಸಹೋದರ ಮುಕೇಶ್ ಅಂಬಾನಿಯ ವಹಿವಾಟಿನ ಮೌಲ್ಯ ಶೇ.12 ರಷ್ಟು ಏರಿಕೆ ಕಂಡಿದೆ.
ಶೇರುಪೇಟೆ ನೋಂದಾಯಿತ ಅಂಬಾನಿ ಸಹೋದರರ ಒಂಬತ್ತು ಕಂಪೆನಿಗಳಲ್ಲಿ ಮೌಲ್ಯದಲ್ಲಿ ಭಾರಿ ಏರಿಕೆ ಕಂಡಿದ್ದು, ಮುಕೇಶ್ ಅಂಬಾನಿ ದಾಖಲೆಯ 44,000 ಕೋಟಿ ಲಾಭವಾಗಿದ್ದು, ಅನಿಲ್ ಅಂಬಾನಿ ಸಂಚಾಲಿತ ಉದ್ಯಮಗಳ ಸಂಪತ್ತಿನಲ್ಲಿ 43,800 ಕೋಟಿ ರೂಪಾಯಿ ಏರಿಕೆ ಕಂಡಿದೆ.
ಮೇ 16 ರಂದು ಲೋಕಸಭಾ ಚುನಾವಣೆ ಫಲಿತಾಂಶ ಘೋಷಣೆಯಾದ ನಂತರ ಮೇ 17 ರಂದು ಮಾರುಕಟ್ಟೆಗೆ ರಜೆಯ ಕಾರಣ ಮೇ 18 ರಿಂದ ಮೇ 22ರ ವರೆಗಿನ ವಹಿವಾಟಿನಲ್ಲಿ ಒಟ್ಟು 90 ಸಾವಿರ ಕೋಟಿ ರೂಪಾಯಿ ಮೌಲ್ಯ ಏರಿಕೆ ಕಂಡಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ