ದೇಶದ ಟೆಲಿಕಾಂ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಟಾಟಾ ಟೆಲಿಸರ್ವಿಸಸ್ ಲಿಮಿಟೆಡ್ ಸಂಸ್ಥೆ ಟಾಟಾ ಇಂಡಿಕಾಂ ಗ್ರಾಹಕರಿಗೆ ಆನ್ಲೈನ್ ಸೌಲಭ್ಯ ಒದಗಿಸಲು ಯಾಹೂ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಂಡಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಯಾಹೂ ಇಂಡಿಯಾ ವೆಬ್ಸೈಟ್ ಟಾಟಾ ಇಂಡಿಕಾಂ ಗ್ರಾಹಕರಿಗೆ ಅಂತರ್ಜಾಲ ಸೌಲಭ್ಯ ಸೇವೆಯನ್ನು ಒದಗಿಸುವಲ್ಲಿ ನೆರವಾಗುತ್ತದೆ ಎಂದು ಟಾಟಾ ಟೆಲಿ ಸರ್ವಿಸಸ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಉಭಯ ಕಂಪೆನಿಗಳ ಮೈತ್ರಿಯಿಂದಾಗಿ ಯಾಹೂ ಕಂಪೆನಿಗೆ ದೇಶದಾದ್ಯಂತವಿರುವ ಟಾಟಾ ಇಂಡಿಕಾಂ ಗ್ರಾಹಕರಿಗೆ ಇಂಟರ್ನೆಟ್ ಮತ್ತು ಡಿಜಿಟಲ್ ಸೇವೆಯನ್ನು ನೀಡುವುದರೊಂದಿಗೆ ಮತ್ತಷ್ಟು ಪ್ರಚಾರ ದೊರೆತಂತಾಗುತ್ತದೆ ಎಂದು ಟಿಟಿಎಸ್ಎಲ್ ಮುಖ್ಯ ಮಾರುಕಟ್ಟೆ ಅಧಿಕಾರಿ ಲಿಯಾಡ್ ಮಥಿಯಾಸ್ ತಿಳಿಸಿದ್ದಾರೆ. |