ಯುಪಿಎ ಸರಕಾರದ ಆದ್ಯತೆಗಳು ಹಾಗೂ ಸುಧಾರಣಾ ನೀತಿಗಳನ್ನು ಒಳಗೊಂಡಿರುವ 2009-19ರ ಆರ್ಥಿಕ ಸಾಲಿನ ಮಹತ್ವದ ಬಜೆಟ್ ಜುಲೈ ಮೊದಲ ವಾರದಲ್ಲಿ ಮಂಡಿಸಲಾಗುವುದು ಎಂದು ಕೇಂದ್ರ ಹಣಕಾಸು ಖಾತೆ ಸಚಿವ ಪ್ರಣಬ್ ಮುಖರ್ಜಿ ಹೇಳಿದ್ದಾರೆ.
ಮಧ್ಯಂತರ ಬಜೆಟ್ ಮಂಡನೆಗೆ ಆಸ್ಪದ ನೀಡದೆ ಜುಲೈ ಮೊದಲ ವಾರದಲ್ಲಿ ಪರಿಪೂರ್ಣ ಬಜೆಟ್ ಮಂಡಿಸಲಾಗುವುದು ಎಂದು ಸಚಿವ ಪ್ರಣಬ್ ಮುಖರ್ಜಿ ಸುದ್ದಿ ಚಾನೆಲ್‌ಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಜಾಗತಿಕ ಆರ್ಥಿಕ ಕುಸಿತದಿಂದ ಕಂಗಾಲಾದ ಕ್ಷೇತ್ರಗಳು ಹಾಗೂ ಮಧ್ಯಂತರ ಬಜೆಟ್ ಮಂಡನೆಯಲ್ಲಿ ವ್ಯಕ್ತವಾದ ಸಮಸ್ಯೆಗಳು ಹಾಗೂ ಆತಂಕಗಳಿಗೆ ಪ್ರಸ್ತುತ ಬಜೆಟ್‌ನಲ್ಲಿ ಆದ್ಯತೆ ನೀಡಲಾಗುವುದು ಎಂದು ಮುಖರ್ಜಿ ತಿಳಿಸಿದ್ದಾರೆ.
ಕೇಂದ್ರ ಸರಕಾರ ಜುಲೈ 31ರೊಳಗಾಗಿ ಬಜೆಟ್ ಮಂಡಿಸದಿದ್ದಲ್ಲಿ ಸಂಸತ್ತಿನಿಂದ ಅನುಮೋದನೆ ಪಡೆದು ಕ್ರೂಢೀಕೃತ ನಿಧಿಯಿಂದ ಹಣವನ್ನು ಪಡೆಯಬೇಕಾಗಿರುವುದರಿಂದ ಜುಲೈ ಮೊದಲನೆ ವಾರದೊಳಗಾಗಿ ಬಜೆಟ್ ಮಂಡಿಸಲಾಗುವುದು ಎಂದು ಕೇಂದ್ರ ಹಣಕಾಸು ಖಾತೆ ಸಚಿವ ಪ್ರಣಬ್ ಮುಖರ್ಜಿ ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ