ದೇಶದ ಟೆಲಿಕಾಂ ದೈತ್ಯ ಸಂಸ್ಥೆ ಟಾಟಾ ಕಮ್ಯೂನಿಕೇಶನ್ಸ್ ಕಳೆದ ವರ್ಷಕ್ಕೆ ಹೋಲಿಸಿದಲ್ಲಿ 2009ರ ಮಾರ್ಚ್31ಕ್ಕೆ ನಾಲ್ಕನೇ ತ್ರೈಮಾಸಿಕ ಅಂತ್ಯಗೊಂಡಂತೆ ಐದು ಪಟ್ಟು ನಿವ್ವಳ ಲಾಭದಲ್ಲಿ ಹೆಚ್ಚಳವಾಗಿ 302.37 ಕೋಟಿ ರೂಪಾಯಿಗಳಿಗೆ ತಲುಪಿದೆ.
ಕಳೆದ ವರ್ಷದ ನಾಲ್ಕನೇ ತ್ರೈಮಾಸಿಕ ಅವಧಿಯಲ್ಲಿ 56.03 ಕೋಟಿ ರೂಪಾಯಿಗಳ ಲಾಭಗಳಿಸಿತ್ತು ಎಂದು ಟಾಟಾ ಕಮ್ಯೂನಿಕೇಶನ್ಸ್ ಮುಂಬೈ ಶೇರುಪೇಟೆಗೆ ಸಲ್ಲಿಸಿದ ಮಾಹಿತಿಯಲ್ಲಿ ಬಹಿರಂಗಪಡಿಸಿದೆ.
ಟೆಲಿಕಾಂ ಸೇವೆಗಳಿಂದಾಗಿ 2007-08ರ ಆರ್ಥಿಕ ಸಾಲಿನಲ್ಲಿ 855.53 ಕೋಟಿ ರೂಪಾಯಿಗಳ ಆದಾಯವಾಗಿದ್ದು,2008-09ರ ಆರ್ಥಿಕ ಸಾಲಿನಲ್ಲಿ 886.93 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದೆ.
2009ರ ಮಾರ್ಚ್ 31ಕ್ಕೆ ಅಂತ್ಯಗೊಂಡಂತೆ ವಾರ್ಷಿಕ ನಿವ್ವಳ ಲಾಭದಲ್ಲಿ 515.95 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದೆ. ಹಿಂದಿನ ವರ್ಷದಲ್ಲಿ 304 ಕೋಟಿ ರೂಪಾಯಿಗಳ ನಿವ್ವಳ ಲಾಭಗಳಿಸಿತ್ತು.
ಟಾಟಾ ಕಮ್ಯೂನಿಕೇಶನ್ಸ್ನ ಕ್ರೂಢೀಕೃತ ನಿವ್ವಳ ಲಾಭ ಹಿಂದಿನ ವರ್ಷದಲ್ಲಿ 10.30 ಕೋಟಿ ರೂಪಾಯಿಗಳಾಗಿದ್ದು, 12 ತಿಂಗಳ ಅವಧಿಯಲ್ಲಿ 315.80 ಕೋಟಿ ರೂಪಾಯಿಗಳಾಗಿ ಏರಿಕೆಯಾಗಿದೆ.
ಟಾಟಾ ಕಮ್ಯೂನಿಕೇಶನ್ಸ್ನ ಅಡಳಿತ ಮಂಡಳಿ 2008-09ರ ಆರ್ಥಿಕ ಸಾಲಿನಲ್ಲಿ 10 ರೂಪಾಯಿ ಮುಖಬೆಲೆಯ ಶೇರುಗಳಿಗೆ 4.50 ರೂಪಾಯಿಗಳ ಡೆವಿಡೆಂಡ್ ಘೋಷಿಸಿದೆ. |