ಟಾಟಾ ಕನ್ಸಲ್‌ಟನ್ಸಿ ಸರ್ವಿಸಸ್ನ ಕಾರ್ಯಕಾರಿ ನಿರ್ದೇಶಕ ಮತ್ತು ಸಿಒಒ ಎನ್‌ ಚಂದ್ರಶೇಖರನ್ ಅವರನ್ನು ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಾಗಿ ನೇಮಕ ಮಾಡಲಾಗಿದ್ದು, ಪ್ರಸ್ತುತವಿರುವ ಸಿಇಒ ರಾಮದೊರೈ ಅವರ ಅಧಿಕಾರವಧಿಯನ್ನು ಎರಡು ತಿಂಗಳವರೆಗೆ ವಿಸ್ತರಣೆ ಮಾಡಲಾಗಿದೆ.
ಟಾಟಾ ಕನ್ಸಲ್‌ಟನ್ಸಿ ಸರ್ವಿಸಸ್ನ ಅಡಳಿತ ಮಂಡಳಿಯ ನಿರ್ದೇಶಕರು ಸಿಇಒ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ರಾಮದೊರೈ ಅವರ ಅಧಿಕಾರವಧಿಯನ್ನು ಶೇರುದಾರರು ಅನುಮೋದನೆಯ ಮೇರೆಗೆ ಅಗಸ್ಟ್ 2009 ರಿಂದ 2009 ಅಕ್ಟೋಬರ್ 5ರವರೆಗೆ ವಿಸ್ತರಿಸಿ ಆದೇಶ ಹೊರಡಿಸಿದೆ.
ರಾಮದೊರೈಯವರನ್ನು 2004 ಅಗಸ್ಟ್ ತಿಂಗಳಲ್ಲಿ ಸಿಇಒ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಹುದ್ದೆಗೆ ಐದು ವರ್ಷಗಳ ಅವಧಿಗೆ ನೇಮಕ ಮಾಡಲಾಗಿತ್ತು. ಟಿಸಿಎಸ್ ಕಂಪೆನಿಯಲ್ಲಿ 65 ವರ್ಷಗಳಿಗೆ ನಿವೃತ್ತಿ ಹೊಂದುವ ನೀತಿಗಳಿರುವುದರಿಂದ ಅಕ್ಟೋಬರ್ 5 ರಂದು ರಾಮದೊರೈಯವರಿಗೆ 65 ವರ್ಷಗಳು ತುಂಬಲಿರುವುದರಿಂದ ಅವರ ಸ್ಥಾನಕ್ಕೆ ಚಂದ್ರಶೇಖರನ್ ಅವರನ್ನು ನೇಮಕ ಮಾಡಲಾಗಿದೆ.
ಟಾಟಾ ಕನ್ಸಲ್‌ಟನ್ಸಿ ಸರ್ವಿಸಸ್‌ ಅಗಸ್ಟ್ 2004ರಲ್ಲಿ ಸಾರ್ವಜನಿಕ ಕ್ಷೇತ್ರಕ್ಕೆ ಕಾಲಿಟ್ಟಿದ್ದು, ಸಂಸ್ಥೆಯ ನಿಯಮದ ಪ್ರಕಾರ ವ್ಯವಸ್ಥಾಪಕ ನಿರ್ದೇಶಕರು 4-5 ವರ್ಷಗಳ ಅವಧಿಗೆ ಮಾತ್ರ ಕಾರ್ಯನಿರ್ವಹಿಸಲು ಅನುಮತಿಯಿರುವುದರಿಂದ ರಾಮ್‌ದೊರೈ ನಿವೃತ್ತಿ ಹೊಂದಬೇಕಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ