ಖಾಸಗಿ ವಿಮಾನಯಾನ ಸಂಸ್ಥೆಯಾದ ಕಿಂಗ್ಫಿಶರ್ ಏರ್‌ಲೈನ್ಸ್ , ಮೊಬೈಲ್ ಮುಖಾಂತರ ಮುಂಗಡ ಟಿಕೆಟ್ ಕಾಯ್ದಿರಿಸುವ ಕಿಂಗ್ ಮೊಬೈಲ್ ವ್ಯವಸ್ಥೆಯನ್ನು ಆರಂಭಿಸಿದ್ದು, ಜಿಪಿಆರ್ಎಸ್ ಮೊಬೈಲ್ ಹ್ಯಾಂಡ್‌ಸೆಟ್‌ಗಳ ಮುಖಾಂತರ ngpayನಲ್ಲಿ ನೋಂದಾಯಿಸಿದ ನಂತರ ಯಾವಾಗ ಬೇಕಾದರೂ ಎಲ್ಲಿಗೆ ಬೇಕಾದರೂ ಟಿಕೆಟ್ ಕಾಯ್ದಿರಿಸಬಹುದಾಗಿದೆ ಎಂದು ಕಿಂಗ್ಫಿಶರ್ ಮೂಲಗಳು ತಿಳಿಸಿವೆ,
ngpay ವಾಣಿಜ್ಯ ಸೇವೆಯನ್ನು ನೀಡುವ ವ್ಯವಸ್ಥೆಯಾಗಿದ್ದು, ಸದಸ್ಯತ್ವ ನೋಂದಣಿಯಾದ ನಂತರ ಮುಂಗಡ ಟಿಕೆಟ್ ಕಾಯ್ದಿರಿಸಬಹುದಾಗಿದೆ.
ಜಿಪಿಆರ್ಎಸ್ ಮೊಬೈಲ್ ಹ್ಯಾಂಡ್‌ಸೆಟ್ ಹೊಂದಿರುವ ಗ್ರಾಹಕರು ಹೈ-ಎಂಡ್ ಅಥವಾ ಲೋ-ಎಂಡ್ ಫೋನ್‌ಗಳ ಮುಖಾಂತರ ಕಿಂಗ್ಫಿಶರ್ ಟಿಕೆಟ್ಗಳ ಮುಂಗಡ ಬುಕ್ಕಿಂಗ್ ಮಾಡಬಹುದಾಗಿದೆಎಂದು ಕಿಂಗ್ಫಿಶರ್ ಏರ್‌ಲೈನ್ಸ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಕಿಂಗ್ ಮೊಬೈಲ್ ಆರಂಭದಿಂದಾಗಿ ವಿಮಾನಯಾನ ಪ್ರಯಾಣಿಕರು ತಮ್ಮ ಮೊಬೈಲ್ ಫೋನ್‌ ಮುಖಾಂತರ ಕಿಂಗ್ಫಿಶರ್ ಹಾಲಿಡೇಸ್ ಸ್ಥಳಗಳನ್ನು ಇ-ಮೇಲ್ ಮೂಲಕ ಪರಿಶೀಲಿಸಿ ಇ-ಟಿಕೆಟ್ಗಳ ದರವನ್ನು ಪಾವತಿಸಿ ಮುಂಗಡ ಟಿಕೆಟ್ ಕಾಯ್ದಿರಿಸಬಹುದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಆದರೆ ಈ ಸೇವೆಯನ್ನು ಬಯಸುವ ಗ್ರಾಹಕರು ತಮ್ಮ ಜುಪಿಆರ್‌ಎಸ್ ಹ್ಯಾಂಡ್‌ಸೆಟ್ ಮೂಲಕ ಕಿಂಗ್ ಮೊಬೈಲ್‌ಗೆ 56388 ಎಸ್‌ಎಂಎಸ್ ಕಳುಹಿಸಿದಲ್ಲಿ ngpay ಅರ್ಜಿಯನ್ನು ಪಡೆದು ಡೌನ್‌ಲೋಡ್ ಮಾಡಬಹುದಾಗಿದೆ.
ಒಂದು ಬಾರಿ ngpayನಲ್ಲಿ ನೋಂದಣಿಯಾದಲ್ಲಿ ಗ್ರಾಹಕರು ಕಿಂಗ್ ಫಿಶರ್ ಹಾಲಿಡೇಸ್ ಪ್ಯಾಕೇಜ್ಸ್‌‌ಗಳಿಗೆ ಮುಂಗಡ ಟಿಕೆಟ್ ಕಾಯ್ದಿರುಸುವುದಲ್ಲದೇ ಕಿಂಗ್ ಇ-ಮೇಲ್‌ಗಳನ್ನು ಪರಿಶೀಲಿಸಬಹುದಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ