ಕಳೆದ 2005-06 ರಿಂದ ನಿರಂತರವಾಗಿ ಮೂರು ವರ್ಷಗಳ ಕಾಲ ಅಭಿವೃದ್ಧಿ ದರ ಶೇ.9 ರಷ್ಟು ಕಾಯ್ದುಕೊಂಡ ಬಂದ ಹಿನ್ನೆಲೆಯಲ್ಲಿ ಇದೀಗ ಸರಾಸರಿ ಭಾರತೀಯನ ಮಾಸಿಕ ಆದಾಯ 3000 ರೂಪಾಯಿಗಳಿಗೆ ಏರಿಕೆ ಕಂಡಿದೆ. 2008-09ರಲ್ಲಿ ತಲಾ ಆದಾಯದಲ್ಲಿ ಶೇ.12.2 ರಷ್ಟು ಏರಿಕೆಯಾಗಿ ವಾರ್ಷಿಕವಾಗಿ 37,490 ರೂಪಾಯಿಗಳಿಗೆ ತಲುಪಿದೆ ಎಂದು ಸೆಂಟ್ರಲ್ ಸ್ಟ್ಯಾಟಿಸ್ಟಿಕಲ್ ಆರ್ಗನೈಜೇಶನ್ ಬಿಡುಗಡೆಗೊಳಿಸಿದ ಅಡ್ವಾನ್ಸ್ ಎಸ್ಟಿಮೇಟ್ ಫಾರ್ ನ್ಯಾಷನಲ್ ಇನ್ಕಂ ವರದಿಯಲ್ಲಿ ಪ್ರಕಟಿಸಿದೆ. ಕಲೆದ 2007-08ರ ಆರ್ಥಿಕ ಸಾಲಿನಲ್ಲಿ ಭಾರತೀಯನ ಸರಾಸರಿ ವಾರ್ಷಿಕ ಆದಾಯ 33,283 ರೂಪಾಯಿಗಳಾಗಿತ್ತು.
ಭಾರತೀಯನ ಸರಾಸರಿ ಆದಾಯದಲ್ಲಿ ಹೆಚ್ಚಳವಾಗಿದ್ದರೂ ಜಾಗತಿಕ ಆರ್ಥಿಕ ಕುಸಿತದಿಂದಾಗಿ ದೇಶದ ಆರ್ಥಿಕತೆ ಕುಸಿತ ಕಂಡಿದ್ದು, ಕಳೆದ ವರ್ಷ ಜಿಡಿಪಿ ದರ ಶೇ.9 ರಷ್ಟಿದ್ದು, ಪ್ರಸಕ್ತ ವರ್ಷದಲ್ಲಿ ಜಿಡಿಪಿ ದರ ಶೇ.6.7ಕ್ಕೆ ಕುಸಿತ ಕಂಡಿದೆ.
ರಾಷ್ಟ್ರೀಯ ಆದಾಯದಲ್ಲಿ ಶೇ.14.2 ರಷ್ಟು ಏರಿಕೆಯಾಗಿ 43.26 ಲಕ್ಷ ರೂಪಾಯಿಗಳಿಗೆ ತಲುಪಿದ್ದು, ಆದರೆ ದೇಶದ ಜನಸಂಖ್ಯೆ 1.6 ಕೋಟಿಯಿಂದ 115.4 ಕೋಟಿಗೆ ಏರಿಕೆಯಾಗಿದೆ. |