ಭಾರತದ ಭಾರ್ತಿಗ್ರೂಪ್ ಹಾಗೂ ಜಗತ್ತಿನ ಬೃಹತ್ ರಿಟೇಲ್ ವಹಿವಾಟು ಕಂಪೆನಿಯಾದ ವಾಲ್‌-ಮಾರ್ಟ್ ಜಂಟಿಯಾಗಿ 7 ಮಿಲಿಯನ್ ಡಾಲರ್ ವೆಚ್ಚದಲ್ಲಿ ನಗರದಲ್ಲಿ ರಿಟೇಲ್ ಮಳಿಗೆಯನ್ನು ಆರಂಭಿಸಿದ್ದು, ಮುಂಬರುವ ಮೂರು ವರ್ಷಗಳಲ್ಲಿ ದೇಶದಾದ್ಯಂತ 15 ರಿಟೇಲ್ ಮಳಿಗೆಗಳನ್ನು ಆರಂಭಿಸಲು ನಿರ್ಧರಿಸಿದೆ ಎಂದು ಮೂಲಗಳು ತಿಳಿಸಿವೆ.
ಬೆಸ್ಟ್ ಪ್ರೈಸ್ ಮಾಡರ್ನ್ ಹೋಲಸೇಲ್‌ ಎನ್ನುವ ಬ್ರ್ಯಾಂಡ್ ಹೆಸರಿನಲ್ಲಿ ರಿಟೇಲ್ ಮಳಿಗೆಗಳು ಕಾರ್ಯ ನಿರ್ವಹಿಸಲಿವೆ ಎಂದು ಭಾರ್ತಿ ಏಂಟರ್‌ಪ್ರೈಸೆಸ್‌ನ ಉಪಾಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ರಾಜನ್ ಭಾರ್ತಿ ಮಿತ್ತಲ್ ತಿಳಿಸಿದ್ದಾರೆ.
ಇಂದು ಆರಂಭವಾಗಿದ್ದು, ಮುಂಬರುವ ಮೂರು ವರ್ಷಗಳಲ್ಲಿ 15 ರಿಟೇಲ್ ಮಳಿಗೆಗಳನ್ನು ಆರಂಭಿಸಲು ನಿರ್ಧರಿಸಲಾಗಿದೆ. ನಾವು ಈಗಾಗಲೇ 30 ಸಾವಿರ ರಿಟೇಲರ್‌ಗಳು ಹಾಗೂ 8 ಸಾವಿರ ಸರಬರಾಜುದಾರರೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದ್ದು, ಇನ್ನೂ ಹೆಚ್ಚಿನ ವಹಿವಾಟುದಾರರೊಂದಿಗೆ ಒಪ್ಪಂದ ಮಾಡಿಕೊಳ್ಳುವ ನಿರೀಕ್ಷೆಯಿದೆ ಎಂದು ಮಿತ್ತಲ್ ವಿವರಣೆ ನೀಡಿದ್ದಾರೆ.
ರಿಟೇಲ್ ಮಳಿಗೆಗೆ ಸರಬರಾಜು ಮಾಡುವವರಲ್ಲಿ ಶೇ.80 ರಷ್ಟು ಪಂಜಾಬ್‌ಗೆ ಸೇರಿದವರಾಗಿದ್ದು, ಮುಂದಿನ ರಿಟೇಲ್ ಮಳಿಗೆಯನ್ನು ಲೂಧಿಯಾನಾದಲ್ಲಿ ಆರಂಭಿಸಲಾಗುವುದು ಎಂದು ಅಮೃತ್‌ಸರ್‌‌ನಲ್ಲಿ ರಿಟೇಲ್ ಮಳಿಗೆಯನ್ನು ಉದ್ಘಾಟಿಸಿ ಮಿತ್ತಲ್ ಮಾತನಾಡುತ್ತಿದ್ದರು.
ಭೂಮಿಯ ದರವನ್ನು ಹೊರತುಪಡಿಸಿ ಪ್ರತಿಯೊಂದು ಮಳಿಗೆ ಆರಂಭಕ್ಕೆ 7 ಮಿಲಿಯನ್ ಡಾಲರ್‌ಗಳ ಅಗತ್ಯವಿದೆ ಎಂದು ಮಿತ್ತಲ್ ಹೇಳಿದ್ದಾರೆ..
ಮಿತ್ತಲ್ ಪ್ರಕಾರ, ಅಮೃತ್‌ಸರ್‌ನಲ್ಲಿರುವ ರಿಟೇಲ್ ಮಳಿಗೆ 10 ಸಾವಿರ ಚದುರ ಅಡಿಯಲ್ಲಿ ವ್ಯಾಪಿಸಿದ್ದು, 200 ನೇರ ಹಾಗೂ 500 ಪರೋಕ್ಷ ಉದ್ಯೋಗಗಳನ್ನು ಸೃಷ್ಠಿಸಿದೆ ಎಂದು ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ