ಕಳೆದ ವರ್ಷದ ಆರ್ಥಿಕ ಸಾಲಿನಲ್ಲಿ ಹಣ ಕಳೆದುಕೊಂಡ ಹೂಡಿಕೆದಾರರಿಗೆ ಪ್ರಸಕ್ತ ವರ್ಷದ ಆರ್ಥಿಕ ಸಾಲಿನಲ್ಲಿ ಮಾರುಕಟ್ಟೆಯ ಸ್ಥಿರ ವಹಿವಾಟಿನಿಂದಾಗಿ ಎರಡು ತಿಂಗಳಲ್ಲಿ ಹೂಡಿಕೆದಾರರಿಗೆ 17.78 ಲಕ್ಷ ಕೋಟಿ ರೂ ಆದಾಯ ಬಂದಿದೆ.
ಹೂಡಿಕೆದಾರರ ಸಂಪತ್ತು ಹಾಗೂ ಮಾರುಕಟ್ಟೆಯ ಬಂಡವಾಳ ಹೂಡಿಕೆಯ ಒಟ್ಟು ಆಸ್ತಿಯ ಮೌಲ್ಯ 17,78,969.74 ಕೋಟಿ ರೂಪಾಯಿಗಳ ಏರಿಕೆ ಕಂಡು ಮೇ ತಿಂಗಳಾಂತ್ಯಕ್ಕೆ ನೋಂದಣಿಯಾದ ಕಂಪೆನಿಗಳ ಮೌಲ್ಯ 48,65,044.91 ಕೋಟಿ ರೂಪಾಯಿಗಳಿಗೆ ತಲುಪಿದೆ
2009 ಮಾರ್ಚ್ 31ಕ್ಕೆ ಅಂತ್ಯಗೊಂಡಂತೆ ಮೋಂದಣಿಯಾದ ಕಂಪೆನಿಗಳ ಒಟ್ಟು ಮೌಲ್ಯ 30,86,075.17 ಕೋಟಿ ರೂಪಾಯಿಗಳಾಗಿತ್ತು.
ದೇಶಿಯ ಹಾಗೂ ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಶೇರುಪೇಟೆಗಳು ಏರುಗತಿಯಲ್ಲಿರುವುದರಿಂದ ಹೂಡಿಕೆದಾರರಿಗೆ ಸಂತಸದ ಕಾಲ ಎದುರಾಗಿದೆ ಎಂದು ಎಸ್‌ಎಂಸಿ ಗ್ಲೋಬಲ್ ಕಂಪೆನಿಯ ಉಪಾಧ್ಯಕ್ಷ ರಾಜೇಶ್ ಜೈನ್ ಹೇಳಿದ್ದಾರೆ.
ಮುಂಬೈ ಶೇರುಪೇಟೆಯ ಸೂಚ್ಯಂಕ ಶುಕ್ರವಾರದ ವಹಿವಾಟಿನಲ್ಲಿ ಶೇ.51 ರಷ್ಟು ಏರಿಕೆ ಕಂಡು 14,625.25 ಅಂಕಗಳಿಗೆ ತಲುಪಿದೆ. ಬಿಎಸ್‌ಇ-30 ಸೂಚ್ಯಂಕ ಕಂಪೆನಿಗಳ ಮಾರುಕಟ್ಟೆಯ ಬಂಡವಾಳದಲ್ಲಿ ಶೇ.47 ರಷ್ಟು ಏರಿಕೆ ಕಂಡು ಎರಡು ತಿಂಗಳ ಅವಧಿಯಲ್ಲಿ 7,15,686 ಕೋಟಿ ರೂಪಾಯಿಗಳ ವಹಿವಾಟು ನಡೆಸಿದೆ ಎಂದು ಜೈನ್ ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ