ಸತ್ಯಂ ಕಂಪ್ಯೂಟರ್ಸ್ನ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ದೇಶಗಳ ವ್ಯವಸ್ತಾಪಕರಾಗಿ ವೆಂಕಿ ಪ್ರತಿವಾದಿಯವರನ್ನು ನೇಮಕ ಮಾಡಲಾಗಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. ಸತ್ಯಂನ ವಿಜಯ್ ಪ್ರಸಾದ್ ಅವರನ್ನು ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ದೇಶಗಳ ಪ್ರಮುಖ ಸಲಹೆಗಾರರನ್ನಾಗಿ ನೇಮಕ ಮಾಡಲಾಗಿದೆ ಎಂದು ಮುಂಬೈ ಶೇರುಪೇಟೆಗೆ ಸಲ್ಲಿಸಿದ ಮಾಹಿತಿಯಲ್ಲಿ ಬಹಿರಂಗಪಡಿಸಿದೆ.
ಸತ್ಯಂ ವಹಿವಾಟಿನ ಆಸ್ಟ್ರೇಲಿಯಾ ಮುಖ್ಯಸ್ಥರಾಗಿದ್ದ ದೀಪಕ್ ನಾಂಗಿಯಾ ಅವರು ರಾಜೀನಾಮೆ ನೀಡಿದ ಹಿನ್ನೆಲೆಯಲ್ಲಿ ತೆರುವಾದ ಸ್ಥಾನಕ್ಕೆ ಪ್ರತಿವಾದಿಯವರನ್ನು ನೇಮಕ ಮಾಡಲಾಗಿದೆ. ಕಳೆದ ಏಳು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವ ಪ್ರತಿವಾದಿ ನಾಂಗಿಯಾ ನಂತರದ ಸ್ಥಾನವನ್ನು ಹೊಂದಿದ್ದರು ಎನ್ನಲಾಗಿದೆ.
ವೆಂಕಿ ಪ್ರತಿವಾದಿಯವರು, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ದೇಶಗಳ ಗ್ರಾಹಕ ಸಂಪರ್ಕ ಸೇವಾ ವಿತರಣೆ , ಮಾರಾಟ ಮತ್ತು ಬೆಂಬಲ ವಹಿವಾಟು ಅಭಿವೃದ್ಧಿಯಂತಹ ವಿಭಾಗಗಳನ್ನು ನೇರವಾಗಿ ನೋಡಿಕೊಳ್ಳುವುದಲ್ಲದೇ ಅಗತ್ಯವಾದ ಸಲಹೆ ಸೂಚನೆಗಳನ್ನು ನೀಡಲಿದ್ದಾರೆ ಎಂದು ಸತ್ಯಂ ಮೂಲಗಳು ತಿಳಿಸಿವೆ. |