ಬಯೋ ಟೆಕ್ನಾಲಾಜಿ ಮತ್ತು ಮಾಹಿತಿ ತಂತ್ರಜ್ಞಾನ ಕ್ಷೇತ್ರಗಳಿಗಾಗಿ ಕೇಂದ್ರ ಸರಕಾರ ಒಂಬತ್ತು ವಿಶೇಷ ಆರ್ಥಿಕ ವಲಯಗಳನ್ನು ಮಂಜೂರು ಮಾಡಿದೆ ಎಂದು ಮೂಲಗಳು ತಿಳಿಸಿವೆ .
ಗಲ್ಫ್ ಆಯಿಲ್ ಕಾರ್ಪೋರೇಶನ್ , ಎಲ್‌ ಆಂಡ್ ಟಿ ಇಮರ್ ಎಂಜಿಎಫ್‌ ಆಂಡ್ ಎಂಎಂಟೆಕ್ ಕಂಪೆನಿಗಳಿಗೆ ಬೆಂಗಳೂರು ಮುಂಬೈ ಮತ್ತು ಕೇರಳದ ಚೆನಾಗ್‌ಮನಡು ನಗರಗಳಲ್ಲಿ ವಿಶೇಷ ಆರ್ಥಿಕ ವಲಯಗಳಿಗೆ ವಾಣಿಜ್ಯ ಸಚಿವಾಲಯದ ಅನುಮೋದನೆ ಮಂಡಳಿ ಭೂಮಿ ಮಂಜೂರು ಮಾಡಿದೆ.
ಬಯೋಟೆಕ್ನಾಲಾಜಿ ಕ್ಷೇತ್ರಕ್ಕೆ ಬೆಂಗಳೂರು, ಅನಂತ್‌ಪುರ್ (ಆಂಧ್ರಪ್ರದೇಶ್ ) ಮತ್ತು ರತ್ನಗಿರಿ (ಮಹಾರಾಷ್ಟ್ರ)ಗಳಲ್ಲಿ ವಿಶೇಷ ಆರ್ಥಿಕ ವಲಯಗಳ ಸ್ಥಾಪನೆಗೆ ಸಮ್ಮತಿ ಸೂಚಿಸಲಾಗಿದೆ ಎಂದು ಸಚಿವಾಲಯದ ಮೂಲಗಳು ತಿಳಿಸಿವೆ .
ಬಹು ಉತ್ಪನ್ನ ತಯಾರಿಕೆ ಘಟಕಗಳಿಗಾಗಿ ಮಹಾರಾಷ್ಟ್ರದ ನಾಸಿಕ್ ಹಾಗೂ ಆಂಧ್ರಪ್ರದೇಶದ ಕೊಟಾಮಂಡಲ್‌ಗಳಲ್ಲಿ ವಿಶೇಷ ಆರ್ಥಿಕ ವಲಯಗಳನ್ನು ಆಯ್ಕೆ ಮಾಡಲಾಗಿದೆ .
ಕಳೆದ 20096ರಲ್ಲಿ ವಿಶೇಷ ಆರ್ಥಿಕ ವಲಯ ಕಾಯ್ದೆ ಜಾರಿಗೆ ಬಂದ ನಂತರ ದೇಶಾದ್ಯಂತ 568 ಎಸ್‌ಇಝಗಳನ್ನು ಸ್ಥಾಪಿಸಲು ಉದ್ದೇಶಿಸಲಾಗಿದ್ದು, ಅವುಗಳಲ್ಲಿ 315 ಎಸ್‌ಇಝಗಳಿಗೆ ಇಲ್ಲಿಯವರೆಗೆ ಅನುಮತಿ ನೀಡಲಾಗಿದೆ . ಕಳೆದ ವರ್ಷದ ಆರ್ಥಿಕ ಸಾಲಿನಲ್ಲಿ ವಿಶೇಷ ಆರ್ಥಿಕ ವಲಯಗಳ ರಫ್ತು ವಹಿವಾಟು 66,638 ಕೋಟಿ ರೂಪಾಯಿಗಳಾಗಿದ್ದು, 2008-09ರ ಆರ್ಥಿಕ ಸಾಲಿನಲ್ಲಿ ಶೇ.36 ರಷ್ಟು ಏರಿಕೆಯಾಗಿ 90,416 ಕೋಟಿ ರೂಪಾಯಿಗಳಿಗೆ ತಲುಪಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ