ಜಾಗತಿಕ ಆರ್ಥಿಕ ಕುಸಿತದ ಮಧ್ಯೆಯು ಪ್ರಸಕ್ತ ವರ್ಷದ ಆರ್ಥಿಕ ಸಾಲಿನಲ್ಲಿ ಕೇವಲ ಭಾರತ ಮತ್ತು ಚೀನಾ ದೇಶಗಳು ಆರ್ಥಿಕ ಬಿಕ್ಕಟ್ಟಿನಿಂದ ಹೊರಬರಲಿವೆ ಎಂದು ಚೀನಾದ ಆರ್ಥಿಕ ತಜ್ಞರು ಹೇಳಿದ್ದಾರೆ .
ಮಾಸ್ಕೋ-ಬೀಜಿಂಗ್ ಸಮ್ಮೆಳನದಲ್ಲಿ ಆರ್ಥಿಕ ಸ್ಥಿರತೆಯಲ್ಲಿ ರಾಷ್ಟ್ರಗಳ ಪಾತ್ರ ಎನ್ನುವ ಕುರಿತು ಆಯೋಜಿಸಿದ ವಿಚಾರ ಸಂಕೀರಣದಲ್ಲಿ ಚೀನಾದ ರಿಸರ್ಚ್ ಸೆಂಟರ್ ಆಪ್ ವರ್ಲ್ಡ್ ಎಕಾನಾಮಿಯಲ್ಲಿ ನಿರ್ದೇಶಕರಾಗಿರುವ ಫೆಂಗ್ ಶೆನ್ ಮಾತನಾಡಿ , ಪ್ರಸಕ್ತ ವರ್ಷದಲ್ಲಿ ಜಾಗತಿಕ ಆರ್ಥಿಕ ಕುಸಿತದಿಂದ ಭಾರತ ಮತ್ತು ಚೀನಾ ದೇಶಗಳು ಮಾತ್ರ ಹೊರಬರಲಿವೆ ಎಂದು ಹೇಳಿದ್ದಾರೆ .
ಇಂಡಿಯಾ ರಷ್ಯಾ ,ಚೀನಾ ಮತ್ತು ಬ್ರೆಜಿಲ್ ರಾಷ್ಟ್ರಗಳು ಜಾಗತಿಕ ಆರ್ಥಿಕ ಬಿಕ್ಕಟ್ಟಿನಿಂದ ಹೊರಬರುವಲ್ಲಿ ಮಹತ್ತರ ಪಾತ್ರವಹಿಸಬೇಕು ಎಂದು ಫೆಂಗ್ ಶೆನ್ ಕರೆ ನೀಡಿದ್ದಾರೆ .
ಜಾಗತಿಕ ಆರ್ಥಿಕ ಬಿಕ್ಕಟ್ಟಿನಿಂದಾಗಿ ಬ್ರಿಕ್ ರಾಷ್ಟ್ರಗಳಿಗೆ ಹೆಚ್ಚಿನ ಅವಕಾಶಗಳು ಒದಗಿ ಬಂದಿರುವುದರಿಂದ ಆರ್ಥಿಕ ಬಿಕ್ಕಟ್ಟಿನಿಂದ ಹೊರಬರಲು ಪ್ರಯತ್ನಿಸಬೇಕು ಎಂದು ಫೆಂಗ್ ಶೆನ್ ತಿಳಿಸಿದ್ದಾರೆ . |