ಪ್ರೀಪೇಡ್ ಗ್ರಾಹಕರು 300 ರೂಪಾಯಿಗಳನ್ನು ಪಾವತಿಸಿ 3ಜಿ ಸೇವೆಗಳನ್ನು ಪಡೆಯಬಹುದಾಗಿದೆ ಎಂದು ಸರಕಾರಿ ಸ್ವಾಮ್ಯದ ಎಂಟಿಎನ್‌ಎಲ್ ಪ್ರಕಟಿಸಿದೆ . ಪ್ರೀ ಪೇಡ್ 3ಜಿ ಸೇವೆಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿ ಮಾತನಾಡಿದ ಕಂಪೆನಿಯ ಮುಖ್ಯ ವ್ಯವಸ್ಥಾಪಕ ಆರ್‌.ಎಸ್.ಪಿ ಸಿನ್ಹಾ , ಗ್ರಾಹಕರು ಕಡಿಮೆ ದರದಲ್ಲಿ 3ಜಿ ಜಾದೂ ಪ್ರೀ ಪೇಡ್ ಸೇವೆಗಳನ್ನು ಪಡೆಯಬಹುದಾಗಿದೆ ಎಂದು ಹೇಳಿದ್ದಾರೆ . ಹೆಚ್ಚಿನ ಗ್ರಾಹಕರು ಪ್ರೀ ಪೇಡ್ ಸೌಲಭ್ಯವನ್ನು ಬಯಸುತ್ತಿರುವುದರಿಂದ ಕೇವಲ 300 ರೂಪಾಯಿಗಳನ್ನು ಪಾವತಿಸಿದಲ್ಲಿ ಲೈಫ್ ಟೈಮ್ ವ್ಯಾಲಿಡಿಟಿ ದೊರೆಯಲಿದ್ದು, ಗ್ರಾಹಕರು ಸ್ಥಳೀಯ ವಿಡಿಯೋ ಕರೆಗಳನ್ನು ಪ್ರತಿ ನಿಮಿಷಕ್ಕೆ ಕೇವಲ 1.80 ರೂಪಾಯಿಗಳಾಗಲಿದ್ದು, ಡಟಾ ಡೌನ್‌ಲೋಡ್ ಮಾಡಿದಲ್ಲಿ ಪ್ರತಿ ಎಂಬಿಗೆ 3 ರೂಪಾಯಿ ವೆಚ್ಚವಾಗಲಿದೆ ಎಂದು ತಿಳಿಸಿದ್ದಾರೆ ಪ್ರೀಪೇಡ್ 3ಜಿ ಸೇವೆಗಳನ್ನು ಆರಂಭಿಸಿರುವುದರಿಂದ ಗ್ರಾಹಕರ ಸಂಖ್ಯೆಯಲ್ಲಿ ಏರಿಕೆಯಾಗಬಹುದು ಎಂದು ತಾವು ನಿರೀಕ್ಷಿಸುವುದಾಗಿ ಸಿನ್ಹಾ ಹೇಳಿದ್ದಾರೆ . ಎಂಟಿಎನ್‌ಎಲ್ ಕಂಪೆನಿ ಈಗಾಗಲೇ ದೆಹಲಿ ಹಾಗೂ ಮುಂಬೈನಲ್ಲಿ 3ಜಿ ಸೇವೆಗಳನ್ನು ಆರಂಭಿಸಿದ್ದು ,8 ಲಕ್ಷ ಗ್ರಾಹಕರನ್ನು ತಲುಪುವ ಗುರಿಯನ್ನು ಹೊಂದಲಾಗಿದೆ ಎಂದು ಮುಖ್ಯ ವ್ಯವಸ್ಥಾಪಕ ಆರ್‌.ಎಸ್.ಪಿ ಸಿನ್ಹಾ ತಿಳಿಸಿದ್ದಾರೆ . |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
