ನೊಬೆಲ್ ಪ್ರಶಸ್ತಿ ವಿಜೇತ ಆರ್ಥಿಕ ತಜ್ಞ ಕ್ಲೈವ್ ಡಬ್ಲೂ ಜೆ ಗ್ರಾಂಗೆರ್ ಸಾನ್ ಡಿಯಾಗೊದಲ್ಲಿ ನಿಧನರಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಇಂಗ್ಲೆಂಡ್ ನಿವಾಸಿಯಾಗಿದ್ದ 74 ವರ್ಷ ವಯಸ್ಸಿನ ಜಗತ್ತಿನ ಖ್ಯಾತ ಆರ್ಥಿಕ ತಜ್ಞ ಗ್ರಾಂಗೆರ್ ಸಾವನ್ನಪ್ಪಿದ್ದಾರೆ ಎಂದು ಯುನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಸಾನ್ ಡಿಯಾಗೊದ ಯುನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾದಲ್ಲಿ ಕಳೆದ ಹಲವು ವರ್ಷಗಳಿಂದ ಗ್ರಾಂಗೆರ್ ವಿಶ್ರಾಂತ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದರು.
ಗ್ರಾಂಗೆರ್ ಹಾಗೂ ಅವರ ಸಹದ್ಯೋಗಿ ರಾಬರ್ಟ್ ಎಂಗ್ಲೆ ' ಆರ್ಥಿಕ ಅಂಕಿ ಅಂಶಗಳು ' ಎನ್ನುವ ಪ್ರಬಂಧ ರಾಷ್ಟ್ರದ ಆದಾಯ ಹಾಗೂ ಹಣಕಾಸಿನ ವಿತರಣೆ ಕ್ಷೇತ್ರದಲ್ಲಿ ಹೊಸತೊಂದು ಬೆಳವಣಿಗೆ ತೋರಿದ ಹಿನ್ನೆಲೆಯಲ್ಲಿ ಸರಕಾರ ನೊಬೆಲ್ ಪ್ರಶಸ್ತಿ ನೀಡಿ ಗೌರವಿಸಿತ್ತು .
ಆರ್ಥಿಕ ಸಂಶೋಧಕರಿಗೆ ಹಾಗೂ ಹಣಕಾಸಿನ ಮಾರುಕಟ್ಟೆಯ ಆರ್ಥಿಕ ವಿಮರ್ಶಕರಿಗೆ ಗ್ರಾಂಗೆರ್ ಹಾಗೂ ಎಂಗ್ಲೆ ಮಂಡಿಸಿದ ಪ್ರಬಂಧ ದಾರಿದೀಪವಾಗಿದೆ ಎಂದು ರಾಯಲ್ ಸ್ವೀಡಿಷ್ ಎಕಾಡೆಮಿ ಆಫ್ ಸೈನ್ಸೆಸ್ಸ್ ನೊಬೆಲ್ ಪ್ರಶಸ್ತಿ ನೀಡಿ ಗೌರವಿಸಿದ ಸಂದರ್ಭದಲ್ಲಿ ಅಭಿಪ್ರಾಯಪಟ್ಟಿತ್ತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ