ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಪ್ರಸಕ್ತ ಆರ್ಥಿಕ ಸಾಲಿನಲ್ಲಿ ಸಿಂಗಾಪೂರ್‌ನಲ್ಲಿ ಶಾಖೆಗಳನ್ನು ದ್ವಿಗುಣಗೊಳಿಸಲು ನಿರ್ಧರಿಸಿದೆ ಎಂದು ಬ್ಯಾಂಕ್ ಮೂಲಗಳು ತಿಳಿಸಿವೆ.
ಪ್ರಸ್ತುತ ಸಿಂಗಾಪೂರ್‌ನಲ್ಲಿ ನಾಲ್ಕು ಶಾಖೆಗಳಿದ್ದು, ಪ್ರಸಕ್ತ ಆರ್ಥಿಕ ಸಾಲಿನಲ್ಲಿ ಮತ್ತೆ ನಾಲ್ಕು ಶಾಖೆಗಳನ್ನು ಆರಂಭಿಸಲು ನಿರ್ಧರಿಸಲಾಗಿದೆ ಎಂದು ಸ್ಟೇಟ್ ಬ್ಯಾಂಕ್ ಅಧಿಕಾರಿಗಳು ತಿಳಿಸಿದ್ದಾರೆ .
ಕಳೆದ 1977ರಿಂದ ಸಿಂಗಾಪೂರ್‌ನಲ್ಲಿ ನಾಣಿಜ್ಯ ಮತ್ತು ಸಗಟು ಬ್ಯಾಂಕಿಂಗ್ ವ್ಯವಹಾರಗಳಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಕಾರ್ಯನಿರ್ವಹಿಸುತ್ತಿದೆ.
ಆದಾಗ್ಯೂ ದೇಶದ ನಂಬರ್ ಒನ್ ಸ್ಥಾನದಲ್ಲಿರುವ ಸ್ಟೇಟ್ ಬ್ಯಾಂಕ್ ಆಪ್ ಇಂಡಿಯಾ ಕ್ವಾಲಿಫೈಡ್ ಫುಲ್ ಬ್ಯಾಂಕಿಂಗ್ ಲೈಸೆನ್ಸ್‌ನ್ನು ಅಕ್ಟೋಬರ್ 2008ರಲ್ಲಿ ಪಡೆದಿದ್ದು, ನಂತರ ಮೂರು ಶಾಖೆಗಳನ್ನು ಆರಂಭಿಸಿದೆ.
ಸಿಂಗಾಪೂರ್‌ನಲ್ಲಿರುವ ಸ್ಟೇಟ್ ಬ್ಯಾಂಕ್ ಆಪ್ ಇಂಡಿಯಾ ಬ್ಯಾಂಕ್ 2008-09ರ ಆರ್ಥಿಕ ಸಾಲಿನಲ್ಲಿ 70 ಮಿಲಿಯನ್ ಡಾಲರ್‌ಗಳ ಠೇವಣಿ ಸಂಗ್ರಹಿಸಿದೆ. ನಗರದ ಸೆಸಿಲ್ ಸ್ಟ್ರೀಟ್ ,ಲಿಟಲ್ ಇಂಡಿಯಾ ಜುರಾಂಗ್ ಈಸ್ಟ್ ಮತ್ತು ಆಂಗ್ ಮೊ ಕಿಯೊ ಪ್ರದೇಶಗಳಲ್ಲಿ ಶಾಖೆಗಳನ್ನು ಹೊಂದಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ