ವಾಹನೋದ್ಯಮ ಮತ್ತು ಕಟ್ಟಡ ನಿರ್ಮಾಣ ಕ್ಷೇತ್ರಗಳಿಂದ ಬೇಡಿಕೆಯಲ್ಲಿ ಹೆಚ್ಚಳವಾಗಿದ್ದರಿಂದ ಉಕ್ಕು ಮಾರಾಟದಲ್ಲಿ ಶೇ.18 ರಷ್ಟು ಏರಿಕೆಯಾಗಿ 4.69 ಲಕ್ಷ ಟನ್ಗಳಿಗೆ ತಲುಪಿದೆ. ಕಳೆದ ವರ್ಷದ ಮೇ ತಿಂಗಳಲ್ಲಿ 3.97 ಲಕ್ಷ ಟನ್ ಮಾರಾಟ ಮಾಡಲಾಗಿತ್ತು ಎಂದು ಟಾಟಾ ಸ್ಟೀಲ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಮೇ ತಿಂಗಳ ಅವಧಿಯನ್ನು ಪರಿಷ್ಕರಿಸಿದಾಗ ಟಾಟಾ ಸ್ಟೀಲ್ ಉತ್ಪಾದನೆಯಲ್ಲಿ ಶೇ.23 ರಷ್ಟು ಏರಿಕೆ ಕಂಡು 5.01 ಲಕ್ಷಟನ್ ಉಕ್ಕು ಉತ್ಪಾದಿಸಲಾಗಿದೆ. ಕಳೆದ ವರ್ಷದ ಮೇ ತಿಂಗಳಲ್ಲಿ 4.08 ಲಕ್ಷ ಟನ್ ಉತ್ಪಾದಿಸಲಾಗಿತ್ತು.
ಕಟ್ಟಡ ನಿರ್ಮಾಣ ಉದ್ಯಮಗಳಲ್ಲಿ ಬಳಸುವ ಉಕ್ಕಿನ ವಸ್ತುಗಳ ಮಾರಾಟದಲ್ಲಿ ಶೇ.34 ರಷ್ಟು ಏರಿಕೆಯಾಗಿದ್ದು, ವಾಹನೋದ್ಯಮ ಕ್ಷೇತ್ರಗಳಲ್ಲಿ ಬಳಸುವ ಸಮತಟ್ಟಾದ ಉಕ್ಕಿನ ವಸ್ತುಗಳ ಮಾರಾಟದಲ್ಲಿ ಶೇ.9 ರಷ್ಟು ಏರಿಕೆ ಕಂಡಿದೆ.
ಜಮ್ಶೆಡ್ಪುರ್ನಲ್ಲಿರುವ ಉಕ್ಕಿನ ಘಟಕ ಅತ್ಯುತ್ತಮ ಗುರಿಯನ್ನು ತಲುಪಿದ್ದು, ಮೇ ತಿಂಗಳ ಅವಧಿಯಲ್ಲಿ 2.18ಲಕ್ಷ ಟನ್ ಉಕ್ಕು ಉತ್ಪಾದನೆ ಮಾಡಿ ದಾಖಲೆ ಸ್ಥಾಪಿಸಿದೆ. ಮತ್ತೊಂದು ಘಟಕವಾದ ಮರ್ಚಂಟ್ ಮಿಲ್ ಕೂಡಾ ಮೇ ತಿಂಗಳ ಅವಧಿಯಲ್ಲಿ 30,710 ಟನ್ ಉಕ್ಕು ಉತ್ಪಾದನೆಯಲ್ಲಿ ಏರಿಕೆ ಕಂಡಿದೆ.ಕಳೆದ ವರ್ಷ ಮೇ ತಿಂಗಳ ಅವಧಿಯಲ್ಲಿ 28,505 ಟನ್ ಉಕ್ಕು ಉತ್ಪಾದಿಸಿತ್ತು. |