ಜಾಗತಿಕ ಆರ್ಥಿಕ ಕುಸಿತದ ನಂತರ ಪ್ರಥಮ ಬಾರಿಗೆ ಆಪಲ್ ಕಂಪೆನಿ, ಐಫೋನ್ ಮತ್ತು ಲ್ಯಾಪ್ಟಾಪ್ಗಳ ಮೇಲಿನ ದರವನ್ನು ಕಡಿತಗೊಳಿಸಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.ಐಫೋನ್ಗಳ ದರವನ್ನು 99 ಡಾಲರ್ಗಳಿಗೆ ಇಳಿಕೆ ಮಾಡಿದ್ದು, ಲ್ಯಾಪ್ಟಾಪ್ ದರವನ್ನು 300 ಡಾಲರ್ಗಳಿಗೆ ಇಳಿಕೆ ಮಾಡಿದೆ. ಸಾಫ್ಟ್ವೇರ್ ಡೆವಲೆಪರ್ಸ್ ವಾರ್ಷಿಕ ಸಮ್ಮೆಳನದಲ್ಲಿ ನೂತನ ಮಾಡೆಲ್ನ 3ಜಿ (ಎಸ್) ಐಫೋನ್ ಬಿಡುಗಡೆ ಮಾಡಿದ್ದು, ನೋಡಲು ಇತರ ಐಫೋನ್ ಮಾದರಿಗಳಂತೆ ಇದ್ದು, ವೇಗವಾಗಿ ಕಾರ್ಯನಿರ್ವಹಿಸುತ್ತದೆ. ಬ್ಯಾಟರಿ ಬಾಳಿಕೆಯಲ್ಲಿ ಹೆಚ್ಚಳ , ಆಂತರಿಕ ದಿಕ್ಸೂಚಿ ,ವೀಡಿಯೋ ಕ್ಯಾಮರಾ ಮತ್ತು ಫೋಟೋ ಕ್ಯಾಮರಾ ಉತ್ತಮ ರೆಸಲ್ಯೂಶನ್ ಹಾಗೂ ಅಟೋ ಫೋಕಸ್ ಸೌಲಭ್ಯ ಹೊಂದಿವೆ ಎಂದು ಆಪಲ್ ಕಂಪೆನಿ ತಿಳಿಸಿದೆ. 16- ಗಿಗಾಬೈಟ್ ಆವೃತ್ತಿಯ 3ಜಿ- ಎಸ್, ಐಫೋನ್ಗೆ 199 ಡಾಲರ್ ದರವನ್ನು ನಿಗದಿಪಡಿಸಿದ್ದು, ಮತ್ತು 32 ಗಿಗಾಬೈಟ್ನ ಮಾಡೆಲ್ಗೆ 299 ಡಾಲರ್ ದರವನ್ನು ನಿಗದಿಪಡಿಸಲಾಗಿದೆ. 8 ಜಿಬಿ ಐಫೋನ್ 3ಜಿ ಕಳೆದ ವರ್ಷ ಮಾರುಕಟ್ಟೆಗೆ ಬಂದಿದ್ದು, ಆರಂಭದಲ್ಲಿ 199 ಡಾಲರ್ಗಳನ್ನು ನಿಗದಿಪಡಿಸಲಾಗಿದ್ದು, ಇದೀಗ ಕೇವಲ 99 ಡಾಲರ್ಗಳಿಗೆ ಐಫೋನ್ ದೊರೆಯಲಿದೆ. ಎರಡು ವರ್ಷಗಳ ಹಿಂದೆ ಐಫೋನ್ ಮಾರುಕಟ್ಟೆಗೆ ಬಂದಾಗ 4ಜಿಬಿ ಐಫೋನ್ಗೆ 499 ಡಾಲರ್ ಮತ್ತು 8ಜಿಬಿ ಐಫೋನ್ಗೆ 599 ಡಾಲರ್ಗಳಿಗೆ ಮಾರಾಟ ಮಾಡಲು ಆಪಲ್ ಕಂಪೆನಿ ನಿರ್ಧರಿಸಿತ್ತು. ನೂತನ ಮಾಡೆಲ್ನ 3ಜಿ (ಎಸ್) ಐಫೋನ್ ಜೂನ್ 19ಕ್ಕೆ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಆಪಲ್ ಐಫೋನ್ ತಯಾರಿಕೆ ಕಂಪೆನಿ, ರಿಸರ್ಚ್ ಇನ್ ಮೊಶನ್ ಮತ್ತು ಪಾಮ್ ಕಂಪೆನಿಗಳಿಂದ ತೀವ್ರತೆರನಾದ ಸ್ಪರ್ಧೆಯನ್ನು ಎದುರಿಸುತ್ತಿದ್ದು, ಪಾಮ್ ಕಂಪೆನಿ 200 ಡಾಲರ್ಗಳ ದರದ ಐಫೋನ್ ರೈವಲ್ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. |