ಖಾಸಗಿ ವಿಮಾನಯಾನ ಸಂಸ್ಥೆ ಜೆಟ್ ಏರ್ವೇಸ್ ತನ್ನ 50 ತರಬೇತು ಇಂಜಿನಿಯರ್ಗಳನ್ನು ವಜಾ ಮಾಡಿದ್ದು, ಖರ್ಚು- ವೆಚ್ಚಗಳಿಗೆ ಕಡಿವಾಣ ಹಾಕುವ ಭಾಗವಿದು ಎಂದು ಕಂಪನಿ ಶನಿವಾರ ತಿಳಿಸಿದೆ.
"ವೈಮಾನಿಕ ವಲಯದಲ್ಲಿನ ಕುಸಿತದಂತಹ ಸವಾಲುಗಳನ್ನು ಎದುರಿಸಲು ಮತ್ತು ನಷ್ಟ ಕಡಿಮೆ ಮಾಡಿಕೊಳ್ಳುವ ಸಲುವಾಗಿ ಕಿರಿಯ ಶಿಕ್ಷಾರ್ಥಿ ತಂತ್ರಜ್ಞರ ಸೇವೆಯನ್ನು ಮುಕ್ತಾಯಗೊಳಿಸುವ ನಿರ್ಧಾರಕ್ಕೆ ಜೆಟ್ ಏರ್ವೇಸ್ ಬಂದಿದೆ" ಎಂದು ವಿಮಾನಯಾನ ಸಂಸ್ಥೆಯ ವಕ್ತಾರೆ ರಾಗಿಣಿ ಛೋಪ್ರಾ ತನ್ನ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
"ಈಗ ಕೆಲಸ ಕಳೆದುಕೊಂಡಿರುವವರು ನಿಗದಿತ ಅವಧಿಯ ಒಪ್ಪಂದದಡಿಯಲ್ಲಿ ಬರುವ ನೌಕರರಾಗಿದ್ದು, ಒಪ್ಪಂದದ ಪ್ರಕಾರ ಅವರಿಗೆ ನೊಟೀಸ್ ನೀಡಲಾಗಿದೆ ಮತ್ತು ಇಲ್ಲಿ ಕಾನೂನನ್ನು ಸ್ಪಷ್ಟವಾಗಿ ಪಾಲಿಸಲಾಗಿದೆ. ವಿಮಾನ ಯಾನದಲ್ಲಿನ ನಿರ್ವಹಣೆಯಲ್ಲಿ ವೆಚ್ಚ ಹೆಚ್ಚಿರುವ ಪರಿಣಾಮ ಇಂತಹ ಕ್ರಮಗಳನ್ನು ಕೈಗೊಳ್ಳುವುದು ಅನಿವಾರ್ಯವಾಗಿತ್ತು" ಎಂದು ಆಕೆ ವಿವರಿಸಿದರು.
ಕಳೆದ ಆರ್ಥಿಕ ವರ್ಷದಲ್ಲಿ ಜೆಟ್ ಏರ್ವೇಸ್ 1,000 ಕೋಟಿ ರೂಪಾಯಿಗಳ (205 ಮಿಲಿಯನ್ ಡಾಲರ್) ನಷ್ಟ ಅನುಭವಿಸಿರುವುದನ್ನು ಪ್ರಕಟಿಸಿತ್ತು. ಕಳೆದ ವರ್ಷದ ಅಕ್ಟೋಬರ್ನಲ್ಲಿ ಸಂಸ್ಥೆಯು 1,900 ನೌಕರರನ್ನು ವಜಾಗೊಳಿಸಿತ್ತಾದರೂ ನಂತರ ಕೇಂದ್ರ ಸರಕಾರದಿಂದ ತೀವ್ರ ಒತ್ತಡ ಬಂದ ಕಾರಣ ಅವರನ್ನು ಮರಳಿ ಸೇರಿಸಿಕೊಂಡಿತ್ತು.
|