ಗೃಹ ಮಾರುಕಟ್ಟೆಯ ಕಠಿಣ ದಿನಗಳು ಮುಗಿದಿವೆ ಎಂದ ಅಮೆರಿಕಾ ಗೃಹ ನಿರ್ಮಾಣ ವರದಿಯ ಧನಾತ್ಮಕ ಅಂಶಗಳ ಕಾರಣದಿಂದ ಏಷಿಯನ್ ತೈಲ ಮಾರುಕಟ್ಟೆ ನೆಗೆಯಲಾರಂಭಿಸಿದ್ದು, ಪ್ರತೀ ಬ್ಯಾರೆಲ್ ಕಚ್ಚಾ ತೈಲಕ್ಕೆ 64 ಡಾಲರುಗಳನ್ನು ದಾಖಲಿಸಿದೆ.
ನ್ಯೂಯಾರ್ಕ್ ಪ್ರಮುಖ ಒಪ್ಪಂದದ ಆಗಸ್ಟ್ ವಿತರಣೆಯ ಸಾದಾ ಕಚ್ಚಾ ತೈಲದಲ್ಲಿ 0.59ರ ಏರಿಕೆ ದಾಖಲಾಗಿದ್ದು, ಪ್ರತೀ ಬ್ಯಾರೆಲ್ ತೈಲದ ಬೆಲೆ 64.15 ಡಾಲರುಗಳು.
ಬ್ರೆಂಟ್ ನಾರ್ತ್ ಸೀ ಕಚ್ಚಾ ತೈಲದ ಸೆಪ್ಟೆಂಬರ್ ವಿತರಣೆಯಲ್ಲಿ 0.27 ಡಾಲರುಗಳ ಏರಿಕೆಯಾಗಿದ್ದು, ಪ್ರತೀ ಬ್ಯಾರೆಲ್ಗೆ 65.65 ಅಮೆರಿಕನ್ ಡಾಲರುಗಳನ್ನು ದಾಖಲಿಸಿದೆ.
ಜೂನ್ ತಿಂಗಳಲ್ಲಿ ಖಾಸಗಿ ಗೃಹ ನಿರ್ಮಾಣದ ಸಂಖ್ಯೆಯ ಸರಾಸರಿ ಶೇಕಡಾ 3.6ರಷ್ಟು ಹೆಚ್ಚಳವಾಗಿದೆ, ಇದು ಕಳೆದ ನವೆಂಬರ್ ನಂತರ ಕಂಡು ಬಂದ ಮೊತ್ತ ಮೊದಲ ಬೆಳವಣಿಗೆ ಎಂದು ಅಮೆರಿಕಾ ವಾಣಿಜ್ಯ ಸಚಿವಾಲಯವು ಶುಕ್ರವಾರ ತನ್ನ ವರದಿಯಲ್ಲಿ ಹೇಳಿತ್ತು.
ಅಮೆರಿಕಾದಲ್ಲಿನ ಗೃಹ ನಿರ್ಮಾಣ ಆರಂಭಿಸುವ ಕುರಿತ ವರದಿಯನ್ನು ಕಂಡು ತೈಲ ಬೆಲೆ ಏರಿಕೆಯಾಗಿದೆ ಎಂದು ಆಸ್ಟ್ರೇಲಿಯಾ ಕಾಮನ್ವೆಲ್ತ್ ಬ್ಯಾಂಕ್ ತನ್ನ ವರದಿಯಲ್ಲಿ ತಿಳಿಸಿದೆ.
|