ಬಹುಕೋಟಿ ಸತ್ಯಂ ಕಂಪ್ಯೂಟರ್ಸ್ ಹಗರಣದ ತನಿಖೆಯನ್ನು ಅಮೆರಿಕಾದಲ್ಲಿ ನಡೆಸಲು ಅಲ್ಲಿನ ಸರಕಾರದ ಭದ್ರತಾ ಮತ್ತು ವಿನಿಮಯ ಆಯೋಗದ ಮಾರುಕಟ್ಟೆ ನಿಯಂತ್ರಣ ಸಂಸ್ಥೆಯೊಂದು ಭಾರತ ಸರಕಾರದ ಅನುಮತಿ ಕೋರಿದೆ.
"ಅಮೆರಿಕಾ ಭದ್ರತಾ ಮತ್ತು ವಿನಿಮಯ ಆಯೋಗದ (ಎಸ್‌ಇಸಿ) ತಂಡವೊಂದು ಸತ್ಯಂ ಹಗರಣದ ತನಿಖೆ ನಡೆಸಲು ಭಾರತ ಸರಕಾರ ಮತ್ತು ಸಿಬಿಐಯ ಅನುಮತಿ ಕೇಳಿದೆ" ಎಂದು ಸಿಬಿಐ ನಿರ್ದೇಶಕ ಅಶ್ವನಿ ಕುಮಾರ್ ತಿಳಿಸಿದ್ದಾರೆ.
ನಮ್ಮ ದೇಶದಲ್ಲಿ 'ಸೆಬಿ'ಯ ಮಾರುಕಟ್ಟೆ ನಿಯಂತ್ರಕ ಪಾತ್ರವನ್ನು ಅಮೆರಿಕಾದಲ್ಲಿ 'ಎಸ್‌ಇಸಿ' ಮಾಡುತ್ತದೆ. ಇದೀಗ ಆ ಸಂಸ್ಥೆಯು ತನ್ನ ದೇಶದಲ್ಲಿ ಸತ್ಯಂ ಹಗರಣದ ತನಿಖೆಯನ್ನು ನಡೆಸುವ ಆಸಕ್ತಿ ತೋರಿಸಿದೆ.
ನ್ಯೂಯಾರ್ಕ್ ಶೇರುಪೇಟೆಯಲ್ಲಿ ಸತ್ಯಂ ಕಂಪ್ಯೂಟರ್ ಸ್ಥಾನ ಪಡೆದುಕೊಂಡಿರುವ ಕಾರಣ ಈ ನಿರ್ಧಾರಕ್ಕೆ ಅಮೆರಿಕಾ ಬಂದಿದೆ.
ಈ ಸಂಬಂಧ ಗಂಭೀರ ಮೋಸ ತನಿಖಾ ಕಚೇರಿ (ಎಸ್‌.ಎಫ್‌.ಐ.ಓ.), ಜಾರಿ ನಿರ್ದೇಶನಾಲಯ (ಇ.ಡಿ.) ಮತ್ತು ಭಾರತೀಯ ಭದ್ರತಾ ಮತ್ತು ಶೇರುಪೇಟೆ ನಿರ್ವಹಣಾ ಮಂಡಳಿ (ಸೆಬಿ)ಯ ಸಹಕಾರದೊಂದಿಗೆ ವಿಚಾರಣೆ ನಡೆಸುವ ಉದ್ದೇಶ ಸಂಸ್ಥೆಯದ್ದು ಎಂದು ಸಿಬಿಐ ನಿರ್ದೇಶಕರು ವಿವರಿಸಿದ್ದಾರೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ